Бугун,

  • USD 11095.31
  • RUB 173.84
  • EUR 10772.44

Жаҳон соғлиқни сақлаш ташкилоти уруш бошланганидан бери Украинадаги 200 та тиббиёт муассасасига ҳужум уюштирилганини тасдиқлайди. Бу ҳақда ЖССТ бош директори Тедрос Гебрейесус маълум қилди ва Россияни урушни тўхтатишга чақирди.

Фото: «ТАСС»

Фото: «ТАСС»

6 май куни ЖССТ раҳбари Тедрос Гебрейесус Украинага келган. У Россия босқинидан жабр кўрган украиналикларга зарур ёрдам миқдорини баҳолаган. Украинага икки кунлик ташрифидан сўнг Киевда нутқ сўзлаган Тедрос кўрган ва эшитганларидан чуқур таъсирланганини айтди. Гебрейесус тиббиёт муассасаларига ҳужумларни тўхтатиш кераклигини айтди.

«Украинага биз етказиб бера олмайдиган ва унга бошқалардан кўра кўпроқ керак бўлган битта дори бор — тинчлик. Шунинг учун биз Россияни бу урушни тўхтатишга чақиришда давом этамиз», — дея қўшимча қилган у.

Гебрейесуснинг сўзларига кўра, ташкилот Украина соғлиқни сақлаш тизимини қўллаб-қувватлашда давом этади.

«Бу ерда ўтказган вақтим шахсан менга катта таъсир кўрсатди. Уруш зонасида ўсган одам сифатида мен Украина халқининг ҳис-туйғуларини жуда яхши тушунаман. Мен бу таъсирни биламан, урушнинг вайронагарчиликларини биринчилардан тушунаман, Россия Украинага бостириб кирганида қаттиқ қайғуга тушганман», — деди Гебрейесус.

Аввалроқ Жаҳон соғлиқни сақлаш ташкилоти Украинада Канада ҳукумати кўмагида давлат фавқулодда вазиятлар хизматига кўп мақсадли кўчма чодирни топширган эди.

Изоҳ
Асосий янгиликлар
Маҳаллий
Қашқадарёда 3 кунлик фирма 2,6 млрд сўмлик иссиқхона ўрнатиш тендерини ютиб олди
Дунё
Лукашенко Беларусь ташқи ишлар вазири Макей билан видолашув маросимида иштирок этди (фото)
Маҳаллий
Нукус воқеаларида айбланаётганлар суди давом этмоқда: асосий гумонланувчилардан бири иккинчисини фирибгар деб атади