Бугун,

  • USD 11095.31
  • RUB 173.84
  • EUR 10772.44

Ижтимоий тармоқларда Жиззах вилояти Зомин туманидаги аҳоли яшаш ҳудудларида бўрилар изғиб юргани ҳақида хабарлар тарқалди. Вилоят Экология бошқармаси ҳолат юзасидан маълумот берди.

Қайд этилишича, бўрилар айнан Зоминдаги шаҳарча ҳудудида бўлмаган. Жониворлар Жиззах вилоятининг тоғли ҳудудларида учрайди ва яшайди. Аммо сўнгги йилларда бўриларнинг аҳолига ташлангани ёки шикастлантириш ҳолатлари аниқланмаган.

«Ижтимоий тармоқларда фойдаланувчилар томонидан бўрига ўхшаш бўлган итлар бўри овози билан тасвирланган видеолавҳалар жойлаштирилмоқда. Ушбу лавҳалар фейк хабар бўлиб, фуқаролардан бу каби хабарларни тарқатиб, аҳолини ваҳимага солмасликни сўраймиз», — дейилади муносабатда.

Аввалроқ Қашқадарё вилояти Деҳқонобод туманининг тоғли ҳудудида Қизил китобга киритилган қўнғир айиқ ва унинг 2 боласи борлиги хабар қилинганди. Кейинроқ қўнғир айиқ болаларидан бир ўлдирилгани ҳақида хабар тарқалди, Экология қўмитаси ҳолат юзасидан ўрганиш ишлари олиб борилишини маълум қилди. Суриштирув давомида айиқ боласини ўлдирганликда гумонланувчи эркакнинг шахсига аниқлик киритилди. У айиқ боласини ўлик ҳолда топганини, терисини ўзида сақлаб келганини билдирган. Ҳолат юзасидан тўпланган ҳужжатлар Ички ишлар органига ўтказилгач аниқланишича, Қашқадарё тоғларида топилган она айиқ ва унинг болалари тирик. Ўлдирилган айиқ ҳолати бошқа ҳудудда содир бўлган.

Изоҳ
Асосий янгиликлар
Маҳаллий
«Электр таъминотидаги узилишларга кўп дуч келдим» — Ўзбекистонга кўчиб ўтган IT-мутахассис таассуротлари
Маҳаллий
Шавкат Мирзиёев Володин бошчилигидаги Россия парламент делегациясини қабул қилди (фото)
Дунё
Саакашвилининг организмида маргимуш топилди — адвокат