Украинага қарши икки ойлик уруш давомида Россия Европа Иттифоқига ёқилғи сотишдан тушган даромадни деярли икки баробарга оширди. Бундай кўрсаткичларга нархларнинг кескин ўсиши ҳисобига эришилган. Бу ҳақда The Guardian хабар бермоқда.
Нархларнинг кескин ошиши ва импортнинг қисқаришига қарамай, Россия нефть, газ ва кўмир экспортидан 62 млрд еврога яқин даромад олди. Маълумотлар Финляндия Энергия ва тоза ҳаво тадқиқотлари маркази (CRЕА) томонидан тақдим этилган.
Икки ой давомида Россиянинг Европа Иттифоқига энергия импорти ҳажми тахминан 44 млрд еврони, яъни ойига 22 млрд еврони ташкил этди. Ўтган йил давомида таққослаш учун бу миқдор 140 млрд евро, ойига тахминан 12 млрд евродан бўлган.
Бу санкциялар жорий қилинганига қарамай, Россия ўз позициясидан фойда кўришда давом этаётганидан далолат беради.
Шу икки ой давомида Германия Россия ёқилғисининг энг йирик харидори бўлди. Германия ҳукуматининг ушбу қарамликдан қутулиш устувор вазифа эканлиги ҳақидаги бир неча бор баёнотларига қарамасдан, мамлакат урушнинг икки ойи давомида Россияга тахминан 9 млрд евро тўлаган.
Энг йирик харидорлар рейтингида Италия ва Голландия иккинчи ва учинчи ўринларни эгаллаган. Икки ой ичида улар Россия ёқилғисига мос равишда 6,8 млрд евро ва 5,6 млрд евро сарфлади.
Аввалроқ Европа давлатлари Россия газисиз 6 ой давомида яшай олиши ҳақида хабар берилган эди.
Изоҳ (0)