Европанинг 4 та газ харидорлари, Россия президенти Владимир Путин талаб қилганидек, газ учун тўловларни рублда амалга оширган. Бу ҳақда Bloomberg хабар бермоқда.
Польша ва Болгарияга газ оқими тўхтатиб қўйилганидан кейин бошқа харидорлар ҳам Кремль шартларини рад этса, газ етказиб беришдан узиб қўйилади.
Май ойининг иккинчи ярмигача навбатдаги тўловларга харидорлар учун чегирмалар кузатилмайди.
10 та Европа компанияси «Газпромбанк»да Россиянинг тўлов талабларини бажариш учун зарур бўлган ҳисоб рақамларини очганлиги айтилмоқда.
Польша ва Болгарияга газ етказиб бериш улар «Газпром» томонидан таклиф қилинган рубль тўловлари механизмидан воз кечганидан сўнг тўхтатилди. Айни дамда Россия ўз қувурлари орқали Европанинг 23 давлатига газ етказиб беради.
Европа Иттифоқи Россияга Украинага бостириб киргани учун санкциялар киритганидан сўнг, Москва 1 апрелдан бошлаб газ етказиб бериш учун тўловларни рублда амалга оширишни талаб қилди.
Харидорлардан газ етказиб бериш учун «Газпромбанк» томонидан таклиф қилинаётган евро ва рубль ҳисобларини очиш талаб қилинмоқда.
Аввалроқ Европа давлатлари Россия газисиз 6 ой давомида яшай олиши ҳақида хабар берилган эди.
Изоҳ (0)