25—30 апрель кунлари Хоразм вилоятининг Хива шаҳрида «Лазги» халқаро рақс фестивали бўлиб ўтади, деб хабар бермоқда Туризм ва маданий мерос вазирлиги матбуот хизмати.
Қайд этилишича, ушбу тадбир ЮНЕСКО, Туризм ва маданий мерос вазирлиги, Маданият вазирлиги, Хоразм вилояти ҳокимлиги ва бошқа идоралар ҳамкорлигида ташкил этилмоқда. Унда 30 дан ортиқ давлатдан 200 дан ортиқ меҳмонлар иштирок этиши кутилмоқда.
Фестиваль доирасида рақс санъатига бағишланган кўргазма павильонлари, миллий чолғу асбоблари ва либослари, ҳунармандчилик буюмлари, тасвирий ва амалий санъат асарлари, ҳайкалтарошлик намуналари, бадиий ва ҳужжатли фильмлар, аудио ва видео дисклар, китоблар, альбомлар, фотосуратлар намойиши ҳамда, уларни Ичан-қалъа мажмуаси ҳудудида савдо қилиш ташкил этилган.
Эслатиб ўтамиз, 2020 йил 29 сентябрда 2022 йилдан бошлаб ҳар икки йилда бир маротаба«Лазги» халқаро рақс фестивалини ташкил этиш ва ўтказиш тўғрисида президент қарори эълон қилинганди.
Қарорга билан фестивални ўтказиш тартиби тўғрисидаги низом ҳам тасдиқланган бўлиб, унга кўра, «Лазги» рақс танлови 3 та номинация («Энг яхши яккахон рақс ижрочиси», «Энг яхши рақс жамоаси» ва «Энг яхши саҳналаштирилган рақс») бўйича баҳоланади.
Танлов ғолиблари қуйидаги миқдорда пул мукофотлари билан тақдирланади:
- Гран-при — 7000 доллар;
- 1-ўрин — 5000 доллар;
- 2-ўрин — 3000 доллар;
- 3-ўрин — 2000 доллар.
Изоҳ (0)