Вазирлар Маҳкамасининг «2022—2026 йилларда Қашқадарё вилояти ҳудудларини комплекс ижтимоий-иқтисодий ривожлантириш ва аҳоли турмуш даражасини янада яхшилашга доир қўшимча чора-тадбирлар тўғрисида»ги қарори қабул қилинди. Бу ҳақда Normа хабар қилди.
Қайд этилишича, ҳужжат билан қуйидагилар тасдиқланган:
- аҳолини қийнаб келаётган мавжуд муаммоларни бартараф этишга қаратилган ҳамда амалий тадбирларни ўз ичига олган «йўл харитаси»;
- Қашқадарё вилояти шаҳар ва туманларининг ихтисослашуви, «ўсиш нуқталари» ва «драйвер соҳалари»;
- саноат, қишлоқ хўжалиги ва хизмат кўрсатиш соҳаларини ривожлантириш бўйича инвестиция лойиҳаларининг йиғма параметрлари;
- 2022 йилда Қашқадарё вилоятида муҳандислик-коммуникация, ишлаб чиқариш ва хизмат кўрсатиш инфратузилмасини ривожлантириш ҳамда ижтимоий соҳа объектларини қуриш, реконструкция қилиш ва таъмирлаш бўйича комплекс тадбирлар;
- Қашқадарё вилоятининг шаҳар ва туманларида ижтимоий ва ишлаб чиқариш инфратузилмасини ривожлантириш бўйича шакллантирилган истиқболли лойиҳаларнинг манзилли рўйхати.
Эслатиб ўтамиз, 22 апрель куни Муроджон Азимов Қашқадарё вилоятининг ҳокими этиб тасдиқланган. Шавкат Мирзиёев у ҳақида фикр билдириб, «Бу номзодни мен кеча билмаганман, уни 15 йилдан бери биламан. Божхона — иқтисодий дарвозамиз. Менга қаттиққўл раҳбар керак эди. У Божхона қўмитасида коррупция тизимини йўқотди», — деган.
Мавзуга доир:
- «Яширмайман, мен пул билан келдим». Шавкат Мирзиёев Қашқадарёга ташрифини Кўкдала туманидан бошлади
- Қашқадарё ҳокими маҳаллий бюджет маблағларига шахсий пиарини йўлга қўйган ҳокимлар фаолиятини танқид қилди
- Қашқадарё аҳолисига 730 млрд сўмлик имтиёзли ипотека кредитлари ҳамда эҳтиёжманд оилаларга 72 млрд сўм субсидия ажратилади
Изоҳ (0)