Forbes 2022 йилда дунёнинг энг бой одамлари рўйхатини эълон қилди.
Энг ёш миллиардер 19 ёшли германиялик Кевин Дэвид Леманн бўлиб, унинг бойлиги 2,4 миллиард долларга баҳоланмоқда. Леманн отаси томонидан асос солинган йирик дорихоналар тармоғининг 50 фоизига эгалик қилади. У ҳақда кўп нарса маълум эмас.
Кейинги ўринда бразилиялик 25 ёшли Педро Франчески — 1,5 миллиард доллар. Леманндан фарқли ўлароқ, Франчески ўзини ўзи бой қилган — у Brex Fintech стартапи асосчиларидан бири.
Яна бир 25 ёшли миллиардер хитойлик Ван Зелонг. Унинг бойлиги 1,5 миллиард долларга баҳоланган. У Хитойнинг CNNC Hua Yuan Titanium Dioxide ва Lomon Billions Group компаниялари улушларига эга. Иккала компания ҳам титан диоксиди ишлаб чиқаради.
Рўйхатда жами 30 ёшгача бўлган 12 киши бор. Улардан етти нафари ўзи бой бўлган, қолганлари меросхўр.
Аввалроқ Владимир Ким Осиёнинг энг бой одами бўлгани ҳақида хабар қилинганди.
Изоҳ (0)