Бугун,

  • USD 10940.05
  • RUB 182.26
  • EUR 11121.65

Ингаляция — йўтални даволашнинг оддий ва арзон усули ҳисобланади. Уни уй шароитида ҳам амалга ошириш мумкин.

Фото: «Домашний очаг»

Фото: «Домашний очаг»

Шифокорлар кўпинча қуруқ ва нам йўтални даволаш учун ингаляцияни тавсия қилади. Биринчи ҳолда, ингаляция шиллиқ қаватларни намлайди, бу бир муддат оғриқли хуружлардан халос бўлишга имкон беради. Шу билан бирга, шилимшиқ ва балғамнинг чиқиши яхшиланади, йўтал аста-секин намланади, яъни муолажа самарали ёрдам бера бошлайди. Иккинчидан, нафас олиш балғамнинг кўчишини фаоллаштиради, тузалиш жараёнини тезлаштиради.

Агар уйда ушбу жараён ўтказилиши керак бўлса, бир нечта муҳим қоидаларга эътибор бериш лозим. Биринчидан, кўтарилган тана ҳароратида ингаляция тавсия этилмайди. Иккинчидан, буғ ҳарорати 30-40 даражадан ошмаслиги керак, ўта иссиқ компонентлар шиш пайдо бўлишига олиб келиши мумкин. Учинчидан, ингаляция касалликнинг биринчи аломатларида, томоқ соҳасидаги ачишиш бошланиши ва қуруқ йўтал пайдо бўлиши биланоқ амалга оширилса, самарали бўлади. Тўртинчидан, иложи бўлса, небулайзердан фойдаланиш муҳим — бу чуқур идиш ёки чойнак ичидаги иссиқ сув устида нафас олишдан кўра осон ва хавфсизроқдир.

Қуруқ йўтал учун

Доривор гиёҳ қайнатмалари

Мойчечак, салбия (шалфей), далачой, календула, малина барглари, ялпиз мос келади. Бу гиёҳлар яллиғланишга қарши, экспекторан, муколитик ва антисептик таъсирга эга. Ингаляция учун ўт устига қайноқ сув қуйилади, 30 дақиқа давомида қайнатилади, кичик идишга қуйилади. Кейин доривор ўтлар қайнатмаси солинган идишга эгилиб, буғдан 10-15 дақиқа давомида нафас олинади. Доривор дамламани чойнакка қуйиб, унинг жўмрагига қоғоз қўйиб нафас олиш мумкин.

Истеъмол содаси эритмаси

Истеъмол содаси турли вируслар ва микробларга қарши курашда самарали воситадир. Шу туфайли у шамоллашни даволашда ингаляция учун дезинфекциялаш воситаси сифатида ишлатилади, бу халқона табобат, айниқса, томоқ оғриғи учун самарали ҳисобланади. 1 чой қошиқ содали сувни бир литр иссиқ сувда суюлтирилади, 10 дақиқадан кўпроқ вақт давомида буғ устидан нафас олинади.

Дори воситалари

Қуруқ йўталда ингаляция бронходилататорлар (бронхоспазмни йўқотиш), муколитиклар (балғамни кўчириш ва унинг чиқишини осонлаштириш), антисептиклар (патоген микроорганизмларни йўқ қилиш) учун буюрилади.

Минерал ёки шўр сув

Улар шиллиқ қаватнинг намловчи моддаларига тегишли, уни юмшатади, умумий ҳолатни яхшилайди.

Эфир мойлари

Одатда эвкалипт, шафтоли, қарағай, ялпиз, чаканда мойи, бодом ёғи ишлатилади, улар бир стакан иссиқ сувга 2-3 томчи қўшилади ва кейин унинг буғидан нафас олади. Ёғлар юмшатиш ва яллиғланиш жараёнини тўхтатиш учун қуруқ йўталда тавсия этилади.

Нам йўтал учун

Ингаляция эритмасига «Звездочка» бальзами, ментол томчилари, игнабаргли дарахт ёғини қўшиш мумкин.

Минерал сув

Ишқорий минерал сув нафас олиш йўлларининг шиллиқ қаватини намлайди ва шилимшиқни юпқалаштиради, унинг энг кичик бронхиоллардан чиқарилишини яхшилайди. Ингаляция учун гидроксиди минерал сувдан фойдаланиш керак, масалан, Боржоми, Нарзан, Ессентуки-17 ва бошқалардан кунига 3-4 марта ингаляцияни ўтказиш мумкин.

Изоҳ
Асосий янгиликлар