Европа Чемпионлар Лигасининг 5 апрель, сешанба кунги ўйинларига ҳакамлар тайинланди.
«Манчестер Сити» ва «Атлетико» жамоалари ўртасидаги ўйинни Иштван Ковач бошчилигидаги руминиялик ҳакамлар гуруҳи бошқариб боради. VAR тизимида италиялик Паоло Валери ва Массимилиано Иррати ишлайди.
«Бенфика» — «Ливерпуль» учрашуви испаниялик Хесус Хил Мансанога ишониб топширилган. Видеотакрорларда унга ҳамюртлари Алехандро Эрнандес ва Рикардо де Бургос ёрдам беради.
Икки ўйин Тошкент вақти билан 6 апрелга ўтар кечаси 00:00 да бошланади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!