Ҳар йили дунёнинг турли бурчакларидан 50 000 дан ортиқ одам даволаниш учун Туркиядаги Acıbadem шифохоналарига ташриф буюради. Уларнинг аксарияти онкология билан курашаётганлардир. Acıbadem’ни тажрибали шифокорлар жамоаси замонавий ускуналар, технологлар ва энг муҳими шифохонада муваффақиятли даволаниб чиққан беморларнинг тавсиялари учун танлайдилар. Acıbadem мутахассислари унинг дунёдаги бошқа обрўли саратон марказларидан кўра устунлигини нимада деб билишади? Acıbadem университети тиббий онкология кафедраси мудири, профессор Ўзлем Эрнинг сўзларига кўра, бунда учта омил мавжуд:

• комплексли ёндашув;
• кўп соҳали мутахассислар жамоаси;
• персоналлаштирилган мақсадли даволаш.

Комплексли ёндашув

Саратон касаллигига қарши муваффақиятли курашиш учун замонавий ускуналар билан жиҳозланган ёки таниқли шифокор ишлайдиган марказни топишнинг ўзи кифоя эмас. Албатта, буларнинг бирортаси бўлмаса даволанишнинг имкони йўқ, лекин тан олиш керакки, фақат ташхис тўғри қўйилганида, ўз вақтида тўғри муолажа қилинганида ва барча босқичларда бемор ўз ишини яхши биладиган мутахассисларнинг ишончли қўлларида эканлигига амин бўлганида, касалликни енгиш мумкин.

Бунинг учун эса яхши шифокор ёки ускунаданда кўпроқ нарса, яъни қуйидагиларга қодир бўлган бутун жамоа иши керак:

• агар керак бўлса, жарроҳлик аралашуви, кимётерапия ва нурланишни ўз вақтида, керакли тартибда ўз ичига олган даволанишнинг тўлиқ режасини ишлаб чиқиш;
• даволашнинг янги усулларини таклиф қилиш;
• овқатланиш, жисмоний зўриқиш, ижтимоий ва руҳий мослашув бўйича комплексли ёрдам кўрсатиш.

Кўп соҳали мутахассислар жамоаси

«Биз, онкология маркази саратон касаллигини комплексли даволаш маркази бўлиши кераклигига аминмиз. Комплексли даволаш деганда, биз бундай марказда қуйидаги бўлимлар бўлиши кераклигини назарда тутамиз:

• тиббий онкология;
• радиацион онкология;
• жарроҳлик онкологияси;
• патология;
• молекуляр патология;
• ядровий тиббиёт;
• рентгенология.

Агар ушбу бўлимларнинг барчаси битта марказда жойлашган бўлса ва саратон касаллигини ташхислаш ва даволашда зарур тажрибага эга бўлса, муваффақиятга эришиш эҳтимоли сезиларли даражада ортади», — дейди профессор Эр.

Acıbadem’да ҳар бир янги саратон билан оғриган беморнинг касаллик тарихи турли ихтисослаштирилган онкологларни ўз ичига олган ўсмалар бўйича консилиумда муҳокама қилинади. Бу ҳар бир алоҳида ҳолат учун бугунги кунда мавжуд ёндашувлар ва даволаш усулларини кўриб чиқишга ва мақбул ҳаракатлар режасини тузишга ёрдам беради.

Персоналлаштирилган мақсадли даволаш

«Сўнгги пайтларда онкологияда саратон ҳужайраларини сифатли аниқлаш ва соғлом ҳужайраларга зарар етказмасдан уларни йўқ қилишга қаратилган мўлжалли ёндашув фаол ривожланмоқда», — деб тушунтиради профессор Эр.

Бунинг учун онкологик ташхис тасдиқлаганидан сўнг, ўсимтанинг босқичини (саратон ҳужайралари бошқа органларга тарқалганми ёки йўқми) ва ўсимтанинг даражасини (зарарланган ҳужайралар меъёрдагисидан қанча фарқ қилишини) аниқлаш учун бир қатор тестлар ўтказилади. Олинган натижалар асосида ўсманинг аниқ тавсифларига ва аниқ бир беморнинг хусусиятларига асосланган шахсий даволаниш режаси ишлаб чиқилади.

Саратон ҳужайраларини мақсадли йўқ қилишга қаратилган бундай ёндашувни саратон касаллигини дорилар билан даволашдаги сўнгги янгиликлар сабаб амалга ошириш имкони вужудга келди, жумладан, саратон ҳужайралари ичидаги ёки уларнинг юзасидаги нишонга зарарли таъсир кўрсатадиган юқори ихтисослашган «ақлли дорилар»нинг янги авлоди. Иммунотерапия, унинг принципини профессор Эр қуйидагича тушунтиради: иммун ҳужайралари “танамизнинг жангчи”лари, бизнинг мақсадимиз уларни фаоллаштириш ва уларни вирусларга ёки бактерияларга қарши ҳужум қилиш орқали саратон ҳужайраларига ҳужум қилишдир.

Муолажаларга энг тез «бўйсунувчи саратон» бу…

... туридан деярли қатъи назар, эрта босқичда аниқланганидир. Шунинг учун йиллик тиббий кўрикни ўтказиб юбормаслик ва диққат талаб қиладиган ҳар қандай ташвишли аломатларни олдиндан кузатиб бориш жуда муҳимдир. Зарурият туғилса, тажрибага, технологик имкониятларга ва даволаш бўйича комплексли ёндашувга эга Acibadem мутахассисларига ёрдам сўраб, мурожаат қилинг.

Туркиядаги Acibadem шифохоналарида даволанишга оид барча қизиқтирган саволлар бўйича Acibadem’нинг Тошкентдаги ваколатхонасига мурожаат қилишингиз мумкин: Тошкент шаҳри, Мирзо Улуғбек тумани, Буюк Ипак йўли мавзеси, 19 уй.

Телефон: +99895 144 54 45

Шунингдек, расмий сайт орқали барча керакли маълумотларга эга бўлишингиз мумкин: www.acibadem.com.ru

Реклама ҳуқуқи асосида.