«Манчестер Юнайтед» Роналду асосий таркибда тушмаган ўйинларда ғалаба қозона олмаяпти

«Манчестер Юнайтед» Англия Премьер Лигаси 31-тури доирасида «Лестер»га қарши кечган баҳсда ғалаба қозона олмади (1:1).

Манкунианликлар сўнгги олти ўйинда бор-йўғи битта ғалабага эришди (учта дуранг, учта мағлубият). 12 март куни жамоа «Тоттенҳэм»ни таслим этганди (3:2). «Қизил иблислар»нинг кейинги ўйини 9 апрель куни «Эвертон»га қарши бўлади.

Мазкур ўйинни Криштиану Роналду хасталик сабаб ўтказиб юборди. Португалиялик футболчи жорий мавсум АПЛда олти марта асосий таркибда майдонга тушмади. Уларнинг барчасида «Манчестер Юнайтед» ғалаба қозона олмаган.

Бешта ўйинда («Эвертон», «Челси», «Астон Вилла», «Бёрнли» ва «Лестер») дуранг қайд этилган бўлса, яна бир баҳс («Манчестер Сити») мағлубият билан тугаган.

Роналду жорий мавсум АПЛда 24 та ўйин ўтказиб, 12 та гол ва учта голли узатма муаллифига айланди.