«Реал» ҳужумчиси Карим Бензема Ла Лига 30-тури доирасида «Сельта»га қарши кечган баҳсда (2:1) дублга эришди.
Франциялик футболчи иккита пенальтини аниқ амалга оширган ҳолда жамоасига ғалаба олиб келди. Ҳужумчи яна бир 11 метрлик зарбасини ижро этишда хатога йўл қўйди.
«Реал» Ла Лига тарихида бунга қадар уч марта бир ўйинда учта пенальтига эга бўлганди. Бу Мадрид жамоаси учун жорий мавсумдаги 10-пенальти бўлди, «Реал» бу борада бошқа жамоаларни ортда қолдирмоқда.
Бензема «Реал» сафида жорий мавсумдаги 34-голини урди.
Карим «Реал» сафида бир мавсумдаги голлари сони бўйича шахсий рекордини янгилади. Бунга қадар 34 ёшли футболчининг энг яхши натижаси 2011/12 йилги мавсумда қайд этилганди (32 та гол).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)