«Барселона» бош мураббийи Хави каталонияликларнинг Пауло Дибала билан шартнома имзолашига рози бўлмади.
Аргентиналик футболчининг «Ювентус» билан шартномаси 2022 йилнинг ёзида ўз ниҳоясига етади ва у Испанияда ўзини синаб кўрмоқчи, дея хабар беради El Nacional.
«Реал» Дибалага қизиқиш билдиргани йўқ. «Барселона» эса футболчи билан шартнома имзолаш вариантини кўриб чиқди. «Кўк-анорранглилар» президенти Хоан Лапорта ҳам Паулонинг эркин агент сифатида жамоа сафига қўшилишига қарши эмас.
Аммо каталонлар устози Хави аргентиналик билан шартнома имзоланишига қарши чиққан, мутахассис Дибалани «ортиқча баҳо бериб юборилган» ўйинчи эканини қайд этган.
Аввалроқ, ҳужумчининг агенти ва клуб раҳбарияти ўртасида учрашувдан сўнг, томонлар янги шартнома борасида келиша олмагани ва Дибаланинг «Ювентус»ни тарк этиши аниқ бўлгани хабар қилинганди. «Ливерпуль» ва «Манчестер Сити»нинг Паулони текинга қўлга киритмоқчи эканлиги тўғрисида хабарлар янграганди.
Маълумот учун, Дибала 2015 йилнинг ёзида «Палермо»дан 41 миллион евро эвазига туринликлар сафига ўтган. 2021/22 йилги мавсумда у Италия А Сериясида 21 ўйин ўтказиб, 8 та гол ва 5 та голли узатмага муаллифлик қилди. Бундан ташқари Чемпионлар Лигасида ҳам ўз номига 3 та гол ва битта голли узатма ёздириб қўйган.
Изоҳ (0)