Апрель ойининг 10-санасида Республика ихтисослаштирилган травматология ва ортопедия илмий-амалий тиббиёт марказининг замонавий андозалар даражасида барпо этилган ва энг сўнгги тиббий технологиялар билан жиҳозланган етти қаватли янги мажмуаси фойдаланишга топширилганига уч йил тўлади. Ўтган вақт ичида қанчадан-қанча бемор ушбу марказ орқали ўз соғлигини тиклади, хорижга бориб даволанишга сарфланадиган пули тежалди.
Ўша вақтда марказда консултатив поликлиника, тез ёрдам бўлими, 240 ўринга мўлжалланган 8 та стационар ва 6 та параклиник бўлим фаолият кўрсатишни бошлаганди. Марказда операциялар сонини йилига 8000 тага, улардан янги технологияли операцияларни 6400 тага ошириш режалаштирилган эди. «Дарё» мазкур тиббиёт марказининг бугунги кундаги фаолияти, у ерда яратилган шароитлар ва беморларнинг ҳолати билан танишди.
Муассаса директори Мурод Ирисметов «Дарё»га берган интервьюсида марказ фаолияти, ходимларнинг ойлик маошлари ва тиббиёт соҳаси ҳақида фикрларини билдириб ўтди.
2019 йилнинг 10 апрелидан бошлаб биз тамоман янгича ишлашга ўтиб кетдик деса бўлади. Мисол учун, эски бинода бизда олтита операция хонаси бор эди. У хоналарнинг жиҳозланиши ҳам замон талабига жавоб бермас эди. Техникаларни ҳам аввал олганимиздан бери ишлатиб келардик. 2019 йилнинг апрелидан бошлаб эса биз саккизда операцион хоналарга эга бўлдик. Бу ерда жаҳонда қилинаётган энг мураккаб операциялар ҳам амалга оширилади. Аввал кунига кўпи билан учта операция амалга оширилар эди, тўртинчисига эса қўрқардик. Сабаби у ердаги муҳит, беморларда операциядан кейин қандай жараён кечади, йиринглаш ҳолатлари кузатиладими, деган қўрқувларимиз бўларди. Ҳозир эса бу каби хавфлар йўқ. Ҳар бир операция хонасида ҳавонинг тозаланган оқими айланиб туради. Бугун кунда бир кунда ўртача 45-50 та операция амалга оширилади. Яқинда биз янги бўлимлар очдик, булар артроскопия, қўл-оёқ панжаси хирургияси бўлими.Сўнгги икки йилда марказимизга келадиган беморлар сони камайди. Сабаби бу ерда ўқиб, ўз малакасини оширган ҳамкасбларимиз ўз ҳудудларида операцияларни мустақил ва мукаммал бажаришмоқда. Бошқа томондан олиб қарасак, марказимизга Тошкент шаҳри ва Тошкент вилоятидан келадиган беморлар сони кўпайган ҳам. Масалан, бир бемор Ҳиндистонга бориб битта оёғини артроскопик операция қилдириб келган. Орадан бир йил ўтиб ушбу марказ ҳақида эшитиб қолган ва у бу ерга келган. Шу каби беморлар сони анча кўпайган.
Шифокорларнинг ойлик маошлари ошиши аввало ўзларига боғлиқ. Агар улар юклама билан ишламай, ўз устида ишламаса ойлик маоши ошмайди. Бугунги кунда ҳар бир шифокорнинг ўз юкламаси бор, масалан, кун давомида 22 беморни кўриши керак ёки бир кунда тўртта операцияни қилиш керак. Агарда шифокор шундай темпда ишласа, операцияларни қилса, ойлик маоши ҳам ошади. Бизнинг марказимизда бугунги кунда шифокорлар ўртача 14-16 миллион сўм ойлик оляпти, энди ишга келганлар эса 5 миллион сўм ойлик оляпти. Бизда ўртача ойликни 8 миллион сўмдан юқори.«Дарё» мухбири ушбу тиббиёт марказида даволанаётган беморларнинг фикрлари билан ҳам қизиқди. Беморлардан бири 26 ёшли Дилноза Халилова бўлди.Бир беморимиз бор эди, у аввал чет элга бориб битта оёғини 15 минг еврога операция қилдириб келган. Орадан вақт ўтгач, ўша бемор бизнинг марказимизга келиб операция қилдирди. Умумий ҳисобланганда, барча харажатлар 15 миллионга тушди. У «биз ҳам юқори даражага етибмиз-ку», деган гапни айтди.
Республика ихтисослаштирилган травматология ва ортопедия илмий-амалий тиббиёт маркази директори Мурод Ирисметов
Жароҳат асоратлари бўлими шифокори Зоир Ғоиповнинг маълум қилишича, Дилноза Халилова Республика ихтисослаштирилган травматология ва ортопедия илмий-амалий тиббиёт марказига 12 март куни мурожаат қилган.
«Бемор 12 ёшидан бошлаб Бухоро ва Самарқанд вилоятида бир неча бор даволанган. Улар бир неча бор хорижлик шифокорлар билан гаплашишган, уларнинг тавсияларини эшитишган. Бемор бизга ўнг ва чап бўкса соҳаларидаги оғриқларга, ҳаракатлар чекланганлигига ва юрганда оқсоқланиб юриш шикояти билан келди. 13 март куни эса уни операция қилдик», — дейди Зоир Ғоипов.
Дилноза Халилова «Дарё»га операция жараёнидан аввал бўлган хавотири, келажакдаги режалари ҳақида сўзлаб берди.
Мен 26 ёшдаман. Болалигимдан касаллик бор эди. Ёшлик вақтимда ҳам операция бўлдим. Шундан сўнг тез-тез муолажалар олиб юрардим. Операция қилдириш керак бўлганда эса жуда кўп шифокорлар билан маслаҳат қилдим, хориждаги шифокорлар ҳам операция жараёни оғир кечишини, асоратлар ҳам бошқача бўлишини айтишди. Бундан ташқари, хорижда операция қилдиргудек бўлсак харажатлар ҳам кўп кетар эди.Маълумот учун, эртага Ўзбекистон президенти Шавкат Мирзиёев соғлиқни сақлаш соҳаси вакиллари билан очиқ мулоқот ўтказади. Президент матбуот котиби Шерзод Асадовнинг маълум қилишича, «бундай тадбир мамлакатимиз тарихида илк маротаба ўтказилаётган бўлиб, унда соҳани янада ривожлантириш, тизимли муаммоларни бартараф этиш чора-тадбирлари муҳокама қилинади, тиббиёт ходимларининг таклифлари эшитилади».Ўзбекистондаги ушбу марказда эса харажат кўп бўлмади. Операция ҳам жуда яхши ўтди. Бизда ҳам хориждагидек операция қилса бўлар экан. Бир ойдан сўнг юриб кетишимни айтишяпти.
Операциядан аввал қўрқув бўлмади. Фақатгина операция ўтгач юролмаслигим, оёғим ишламай қолиши мени ўйлантирди. Операциядан чиқиб эса оёғимни қимирлата олмадим, бармоқларим ишлади. Бундан жуда хурсанд бўлдим, энг асосийси эса юриб кетаман. Эндиги режалар ҳақида гапирадиган бўлсам, ўқишга кирмоқчиман, уни битириб ишламоқчиман», — дейди Дилноза Халилова.
Қайд этилишича, очиқ мулоқотга тайёргарлик доирасида тиббиёт ходимлари ва аҳолидан 25 мингдан ортиқ мурожаат ва таклифлар келиб тушган. Улар таҳлил қилиниб, «Инсон қадри учун» деган эзгу ғоя асосида юртимиз соғлиқни сақлаш тизимини янги босқичга олиб чиқиш ва халқимизга тиббий хизмат кўрсатиш самарадорлиги ва сифатини оширишга қаратилган кенг кўламли чора-тадбирлар ишлаб чиқилди.
Учрашувда соҳанинг барча бўғинларидан 10 минг нафардан зиёд ходим иштирок этиши кутилмоқда.
Изоҳ (0)