Самарқанд вилояти Паст Дарғом тумани Шакартепа қишлоғида яшовчи Султонбек Ҳасанов оиласида уч эгизак қиз дунёга келди. Бу ҳақда «Дарё»га вилоят Соғлиқни сақлаш бошқармаси ахборот хизмати маълум қилди.
Қизлар Паст Дарғом туман тиббиёт бирлашмасидаги туғуруқхонада дунёга келган бўлиб, эгизакларга Фотима, Зуҳра ва Зулайҳо исмлари қўйилган.
Паст Дарғом туман тиббиёт бирлашмаси бош шифокорининг маълум қилишича, ҳозирда чақалоқларнинг аҳволи яхши. Улар шифокорлар назоратида бўлиб турибди.
«Эгизаклар операция (кесарча кесиш) йўли билан дунёга келди. Уларнинг каттаси 2,2, кейингиси 2,1 ва кичиги 1,8 килограмм вазн билан туғилди», — дейди туман тиббиёт бирлашмаси раҳбари Баҳром Султонов.
Наврўз байрами арафасида туман тиббиёт бирлашмаси ходимлари эгизаклар ҳолидан хабар олиб, болаларга совға ҳамда озиқ-овқат маҳсулотлари топширган.
Изоҳ (0)