Ateca Hotels (БАА) компанияси Grand Chortoq Wellness Retreat меҳмонхонасини бошқариш бўйича шартнома тузди. Бу ҳақда компания матбуот хизмати маълум қилди.
Наманган вилоятида жойлашган 60 гектарлик «Гранд Чортоқ» соғломлаштириш масканининг ҳозирда қурилиш ишлари якуний босқичда. Биринчи босқичнинг очилиши 2022 йилнинг декабрь ойига режалаштирилган.
Санаторий таркибига 146 хонали иккита меҳмонхона мажмуаси киради. Шифобахш минерал сув ва лой манбалари мавжуд.
Grand Chortoq Wellness Retreat ҳудудида тиббий реабилитация маркази, спа, фитнес маркази, очиқ бассейн ва от спорти клуби ҳам бўлади.
Ateca Hotels 2022 йил охиригача Ўзбекистонда бешта меҳмонхона қуришни режалаштирган.
Аввалроқ Hyatt Regency меҳмонхонаси хусусийлаштирилиши ҳақида хабар берилган эди.
Изоҳ (0)