Сурхондарё вилояти Шўрчи туманида танишининг видеоларини ижтимоий тармоқларга жойлаштирмаслик учун пул талаб қилган эркак қўлга олинди. Бу ҳақда Тергов департаменти хабар қилди.
Қайд этилишича, «Какан» маҳалласида яшовчи Х.А. (40 ёшли) туман ички ишлар бўлими бошлиғи номига ариза билан мурожаат қилган. Унда 27 февраль куни Шўрчи туманида яшовчи Х.М. (33 ёшли) унга тегишли сир сақланиши лозим бўлган видео тасвири борлигини айтиб, қўрқитиб, видеоларни интернет ижтимоий тармоғига тарқатиб юбормаслик эвазига 1000 доллар пул талаб қилганини айтган. Х.А. унга нисбатан қонуний чора кўришни сўраган.
Ариза юзасидан шу куни соат 22:00 ларда ИИБ ходимлари томонидан Шўрчи тумани «Бобур» маҳалласи ҳудудида жойлашган «Боботоғ гўшт маркази» номли ошхонада тезкор-тадбир ўтказилган. Тадбир давомида Х.М. келишилган пулдан 500 долларини олаётган вақтида тадбир иштирокчилари томонидан ашёвий далиллар билан ушланган.
Ҳолат юзасидан Жиноят кодексининг 165-моддаси 1-қисми (товламачилик) билан жиноят иши қўзғатилган. Ҳозирда жиноят иши юзасидан дастлабки тергов ҳаракатлари олиб борилмоқда.
Изоҳ (0)