Бугун,

  • USD 11095.31
  • RUB 173.84
  • EUR 10772.44

Россия Марказий банки зудлик билан асосий ставкани 20 фоизгача оширди. Бу ҳақда Forbes нашри хабар бермоқда.

Фото: Bloomberg

Фото: Bloomberg

Регулятор ушбу қарорни Россия иқтисодиёти учун ташқи шароитларнинг тубдан ўзгариши билан изоҳлади ва ставканинг ошиши молиявий ва нарх барқарорлигини сақлашга ёрдам бериши айтилмоқда.

Қайд этилишича, Россия Марказий банки асосий ставка бўйича кейинги қарорларни ташқи ва ички шароитлардан келиб чиқадиган рискларни ҳамда мақсадли кўрсаткичга нисбатан инфляциянинг амалдаги ва кутилаётган динамикасини ҳисобга олган ҳолда қабул қилади. 

Фото: Forbes

Фото: Forbes

2014 йилда Қрим воқеалари даврида ҳам Россияда асосий ставка бундан пастроқ эди — 17 фоиз.

Асосий ставка нима ўзи?

Асосий ставка пул-кредит сиёсатининг асосий воситаларидан бири ҳисобланади. 2020 йилгача унинг ўрнида қайта молиялаш ставкаси амал қилган.

Ушбу ставка бошқа ставкаларга (масалан, кредитлар ёки депозитлар бўйича), шунингдек, аҳоли ва корхоналарнинг истеъмол ва инвестиция қарорларига қараб белгиланади. Буларнинг барчаси ички талаб ва инфляцияга таъсир қилади.

Шу тариқа, ставка даражаси, одамлар нима билан шуғулланишидан қатъи назар, барчага, қаердадир тўғридан-тўғри, қаердадир билвосита, ўз таъсирини ўтказади.

Асосий ставка нимага таъсир қилади?

У банк хизматлари ва маҳсулотларига бевосита таъсир қилади. Банклар ушбу ставка асосида омонат ва кредитлар нархини ўзгартиради.

Агар асосий ставка кўтарилган бўлса, кредитлар ва депозитлар бўйича ставкалар ҳам кўтарилади, чунки сармоя жалб қилиш харажатлари ошади.

Асосий ставка тушган тақдирда, катта эҳтимол билан кредитлар ва депозитлар бўйича ставкалар ҳам пасаяди, чунки сармоя жалб қилиш арзонлашади.

Кредит беришда асосий ставка банклар томонидан боғланиши мумкин, фоизларни тўлаш миқдори эса асосий ставка даражасига қараб ўзгаради.

Ҳозирда Ўзбекистонда асосий ставка — 14 фоиз.

Аввалроқ рубль тарихдаги энг минимал даражага тушиб кетгани ҳақида хабар берилган эди.

Изоҳ
Асосий янгиликлар
Маҳаллий
Аҳолининг валюта айирбошлашга йўналтирган пул маблағлари ҳажми 68 фоизга ўсди — Марказий банк
Маҳаллий
Самарқандда 2 киши овқатдан заҳарланиб вафот этди
Маҳаллий
Тошкентда автобуснинг юрган масофасига қараб тўлов қилиш тизими йўлга қўйилади