Шимолий Корея 27 февраль куни шарқ томон номаълум ракета учирди, деб хабар бермоқда Yonhap агентлиги Жанубий Корея ҳарбийларига таяниб.
Агентлик маълумотларига кўра, Сеул ҳодиса муносабати билан Миллий хавфсизлик кенгаши йиғилишини чақирмоқчи.
Kyodo Япония ҳукуматига таяниб, бу баллистик ракета бўлиши мумкинлигини ёзди, Жанубий Корея ҳарбийлари ҳам худди шундай фикрда, дея қайд этган Reuters.
Япония мудофаа вазири Нобуо Кисининг айтишича, ракета учирилиши натижасида самолёт ёки кемаларга зарар етказилгани ҳақида маълумот йўқ. Унинг сўзларига кўра, ракета тахминан 300 км масофага учган, максимал парвоз баландлиги эса 600 км атрофида бўлган.
Шимолий Корея охирги марта январь ойи охирида баллистик ракета учиргани ҳақида хабар берилган эди. Ўшанда Пхеньян ўрта масофага мўлжалланган Hwasong-12 ракетасини учирганини тасдиқлаган.
Январь ойида АҚШ Шимолий Корея ракеталарини учириш частотаси ортиб бораётгани сабабли Бирлашган Миллатлар Ташкилоти орқали янги санкциялар жорий этишни таклиф қилганди, чунки ҳар бир учириш Хавфсизлик Кенгаши резолюцияларини бузади. Бундай санкциялар биринчи марта 2006 йилда киритилган. Улар Шимолий Кореяга ракеталар, материаллар ва уларни ишлаб чиқариш учун зарур технологияларни олиб кириш ва олиб чиқишни тақиқлашни назарда тутган. Кейинчалик чора-тадбирлар комплекси кенгайтирилган.
Изоҳ (0)