АОКАда ўтказилган брифингда Олий ва ўрта махсус таълим вазирлиги бошқарма бошлиғи Салоҳиддин Тошматов ички аудит хизмати фаолиятининг йиллик натижалари сарҳисобини маълум қилди.
Қайд этилишича, ички аудит хизматлари томонидан тизимдаги 479 та таълим муассасаси, жумладан, 56 та олий таълим ҳамда 423 та касб-ҳунар ва ўрта махсус таълим муассасаларида молиявий фаолиятга доир мониторинг ва профилактика тадбирлари ўтказилган. Натижада
- 49 та олий таълим муассасаларида 9,4 миллиард сўмлик,
- 253 та профессионал таълим муассасаларида 7 миллиард сўмлик молиявий хато ва камчиликларга йўл қўйилгани аниқланган.
2 та олий таълим ҳамда 10 та касбий таълим муассасаларида ўтказилган профилактика тадбирларида аниқланган 2,7 миллиард сўмлик молиявий хато ва камчиликларда жиноят аломатлари мавжудлиги сабабли ўрганиш материаллари расмийлаштирилиб, ҳуқуқий баҳо бериш ва қонуний чора кўриш учун ҳуқуқни муҳофаза этувчи органларга юборилган.
Юқорида айтиб ўтилган молиявий қонунбузилишларга йўл қўйган раҳбар ва масъул ходимларнинг 161 нафарига нисбатан интизомий жазо қўлланилган. 46 нафари эса эгаллаб турган лавозимидан озод этилган.
Мавзуга доир:
- Бандлик вазирлиги жамғармасига нотўғри ва ортиқча сарфланган салкам 407 млн сўм маблағ қайтарилди
- Халқ таълими тизимида сўнгги 11 ойда 27,5 млрд сўмлик ўғирлик ва камомад аниқланган
- Ўзбекистонда 2021 йилнинг 9 ойида вазирликлар бюджетдан қарийб 84 млрд сўм ўзлаштирган. Бу ўтган йилгига нисбатан 3 баробар кўп
Изоҳ (0)