Исталган дорихонадан топиладиган мойчечакнинг юз териси учун фойдали хусусиятлари

Мойчечак доривор ўсимлик сифатида кенг тарқалган ва унинг чойи кўпинча стрессни енгиллаштириш, асабларни тинчлантириш ва уйқу муаммоларини ҳал қилиш учун ишлатилади. Тери учун мойчечак гулларининг қайнатмаси худди шундай тинчлантирувчи таъсирга эга, уни намлайди ва камчиликларга қарши курашишга ёрдам беради. Нима учун мойчечакни бирор дорихонадан имкон қадар тезроқ сотиб олиш кераклигини қуйида маълум қиламиз.

Мойчечак ўзининг кўп хусусиятлари билан фойдали: у барча турдаги терилар учун мос келади. Мойчечак қуруқ ва таъсирчан терини мулойимлик билан намлайди, ҳолатини яхшилайди. Тери кўчиши ва яллиғланишга қарши курашишга ёрдам беради. Агар тери ёғли ва муаммоларга мойил бўлса, мойчечак таркибидаги антибактериал компонентлар яллиғланишни камайтиришга кўмаклашади ва терида ёғ ишлаб чиқаришни меъёрга келтиради.

Кумарин – гуллар таркибидаги ўсимлик моддаси бўлиб, шикастланган тери ҳужайраларининг янгиланишини қўзғатади, ҳуснбузардан кейинги ва бошқа доғларга қарши самарали курашишга ёрдам беради. Кучли антиоксидант каротин терининг тузилишини яхшилайди, уни эркин радикаллар таъсиридан ҳимоя қилади ва қариш жараёнини секинлаштиради.

Тери учун мойчечакни қандай қўллаш керак?

Қуритилган мойчечак гулларини дорихонадан сотиб олиш мумкин: улар чой тарзида ичилиши учун фильтр пакетларда сотилади. Мойчечакни пакетда кўрсатилган нисбатда қайнатиб олинади, 30-40 дақиқага қолдирилади, сўнгра сузилади ва хона ҳароратида совитилади.

Тайёр дамламадан юз ва бўйин учун тоник сифатида фойдаланиш мумкин: кунига икки марта терига суртилади (тозалагандан кейин), шундан сўнг озиқлантирувчи кремни қўллаш мумкин. Яна бир вариант – бу дамламани музлатиб, эрталаб юз артиб олинади. Мойчечакли муз бўлаклари шишни камайтиришга ёрдам беради ва юзга соғлом порлоқлик беради.