2021 йили Наманган вилоятида алиментлар бўйича 2,8 миллиард сўмлик олдиндан тўловлар амалга оширилди. Бу ҳақда МИБ вилоят бошқармаси катта инспектори Азимжон Бойдадаев маълум қилди, дея хабар беради «Дарё» мухбири Азизбек Абдувалиев.
Ушбу суммадан 1,3 миллиард сўми олдиндан тўлов сифатида берилган 6 та уй-жойга тўғри келади.
«Алимент тўловлари тўлиқ ва ўз вақтида амалга оширилишини назорат қилиш мақсадида ҳар бир алимент олувчига банк ҳисобварағи очилиб, уларнинг номига бепул расмийлаштирилган 21 мингта пластик картадан 19 мингтаси тарқатилди», — дейди Азимжон Бойдадаев.
Бойдадаевга кўра, ушбу саъй-ҳаракатлар натижасида 2021 йилнинг декабрь ойи давомида 1,4 миллиард сўм ундирилиб, алимент олувчиларнинг пластик карталарига тўғридан-тўғри йўналтирилди.
2022 йил январь ойида бу кўрсаткич 2,5 миллиард, февраль ойининг биринчи ўн кунлигида эса 1,7 миллиард сўмни ташкил этган.
Изоҳ (0)