2022 йил бошида «Мустақилликнинг 25 йиллиги» конидаги қудуқ бир суткада 674 метр рекорд чуқурликда бурғиланди. Бундай кўрсаткич ERIELL Group мутахассисларига навбатдаги рекордни ўрнатиш имконини берди.
Суткалик ковлаб боришнинг ўзига хос кўрсаткичига 3 январь куни 802 сонли қудуқда меҳнат қилаётган 39-бурғилаш бригадаси томонидан эришилди. Ишлар TESCO юқори куч узатмаси билан жиҳозланган, ЗЖ-70 ДБС бурғилаш ускунаси сингари замонавий ускунада амалга оширилди. Умумий чуқурлиги 863 метр бўлган бу қудуқдан 87,5 куб метр қаттиқ тоғ жинси олиб чиқилди.
«Мустақилликнинг 25 йиллиги» кони нафақат Ўзбекистон, балки бутун минтақада энг мураккаб лойиҳалардан бири ҳисобланади. Бироқ айнан шу ерда суткалик ковлаб бориш бўйича бир нечта рекорд ўрнатилди. Бу чуқур жойлашган нефть ва газ қатламларини очишда ERIELL томонидан қўлланиладиган технологияларнинг индивидуал равишда танлаш, компания мутахассисларининг юқори малакаси, сўнгги авлод бурғилаш ускуналаридан фойдаланиш ва уларнинг конструкциясини маълум бир лойиҳалар учун такомиллаштириш натижасидир.
Компанияда жараёнларни оптималлаштириш, ташкилий ривожлантириш, нефть ва сервис хизматларининг энг яхши халқаро технологияларини ўрганиш ва жорий этиш устида ишлаш доимий амалга оширилиб келинади. Ҳар бир ютуқ ERIELL’нинг барча бўлинмаларининг бир маромдаги иши, жумладан, бурғилаш бригадаларининг профессионал ходимлари, муҳандис-техник ходимлар, технологик хизмат мутахассислар (бурғилаш режимларини танлаш, бурғилаш ускунасининг самарали ишлаши), бурғилаш эритмалари хизмати (бурғилаш эритмаси таркибини танлаш, юқори сифатли кимёвий реагентларни таъминлаш) ва бошқа ишлар натижасига айланмоқда.
2021 йилда «Мустақилликнинг 25 йиллиги» лойиҳасида меҳнат қилаётган бурғилаш бригадалари суткалик ковлаб бориш бўйича иккита — 425 ва 616 метрлик рекорд ўрнатишга муваффақ бўлди. Янги йилни янги рекорд билан бошлаган компания ўзининг асосий вазифасини амалга ошириш — Ўзбекистон аҳолиси ва иқтисодиётининг энергия ресурсларига бўлган эҳтиёжини таъминлашга ҳисса қўшишда навбатдаги имкониятлар эшигини очмоқда.
ERIELL Group нефть ва сервис хизматлари бозорида 18 йиллик фаолият тажрибасига эга эканлигини қайд этиш жоиз. Шу вақт ичида компания 45 дан зиёд лойиҳаларни амалга ошириш, қарийб 10,5 миллион метр қудуқни бурғилаш, 3000 та нефть ва газ қудуқларини қуришга муваффақ бўлди. Мураккаб тоғ-геология, иқлим шароитларида эксплуатациявий ва разведкали қудуқларни самарали бурғилаш компания фаолиятининг ўзига хос жиҳатларидан бири ҳисобланади.
Реклама ҳуқуқи асосида.
Изоҳ (0)