2022-yil boshida “Mustaqillikning 25 yilligi” konidagi quduq bir sutkada 674 metr rekord chuqurlikda burg‘ilandi. Bunday ko‘rsatkich ERIELL Group mutaxassislariga navbatdagi rekordni o‘rnatish imkonini berdi.
Sutkalik kovlab borishning o‘ziga xos ko‘rsatkichiga 3-yanvar kuni 802-sonli quduqda mehnat qilayotgan 39-burg‘ilash brigadasi tomonidan erishildi. Ishlar TESCO yuqori kuch uzatmasi bilan jihozlangan, ZJ-70 DBS burg‘ilash uskunasi singari zamonaviy uskunada amalga oshirildi. Umumiy chuqurligi 863 metr bo‘lgan bu quduqdan 87,5 kub metr qattiq tog‘ jinsi olib chiqildi.
“Mustaqillikning 25 yilligi” koni nafaqat O‘zbekiston, balki butun mintaqada eng murakkab loyihalardan biri hisoblanadi. Biroq aynan shu yerda sutkalik kovlab borish bo‘yicha bir nechta rekord o‘rnatildi. Bu chuqur joylashgan neft va gaz qatlamlarini ochishda ERIELL tomonidan qo‘llaniladigan texnologiyalarning individual ravishda tanlash, kompaniya mutaxassislarining yuqori malakasi, so‘nggi avlod burg‘ilash uskunalaridan foydalanish va ularning konstruksiyasini ma’lum bir loyihalar uchun takomillashtirish natijasidir.
Kompaniyada jarayonlarni optimallashtirish, tashkiliy rivojlantirish, neft va servis xizmatlarining eng yaxshi xalqaro texnologiyalarini o‘rganish va joriy etish ustida ishlash doimiy amalga oshirilib kelinadi. Har bir yutuq ERIELL’ning barcha bo‘linmalarining bir maromdagi ishi, jumladan, burg‘ilash brigadalarining professional xodimlari, muhandis-texnik xodimlar, texnologik xizmat mutaxassislar (burg‘ilash rejimlarini tanlash, burg‘ilash uskunasining samarali ishlashi), burg‘ilash eritmalari xizmati (burg‘ilash eritmasi tarkibini tanlash, yuqori sifatli kimyoviy reagentlarni ta’minlash) va boshqa ishlar natijasiga aylanmoqda.
2021-yilda “Mustaqillikning 25 yilligi” loyihasida mehnat qilayotgan burg‘ilash brigadalari sutkalik kovlab borish bo‘yicha ikkita — 425 va 616 metrlik rekord o‘rnatishga muvaffaq bo‘ldi. Yangi yilni yangi rekord bilan boshlagan kompaniya o‘zining asosiy vazifasini amalga oshirish — O‘zbekiston aholisi va iqtisodiyotining energiya resurslariga bo‘lgan ehtiyojini ta’minlashga hissa qo‘shishda navbatdagi imkoniyatlar eshigini ochmoqda.
ERIELL Group neft va servis xizmatlari bozorida 18 yillik faoliyat tajribasiga ega ekanligini qayd etish joiz. Shu vaqt ichida kompaniya 45 dan ziyod loyihalarni amalga oshirish, qariyb 10,5 million metr quduqni burg‘ilash, 3000 ta neft va gaz quduqlarini qurishga muvaffaq bo‘ldi. Murakkab tog‘-geologiya, iqlim sharoitlarida ekspluatatsiyaviy va razvedkali quduqlarni samarali burg‘ilash kompaniya faoliyatining o‘ziga xos jihatlaridan biri hisoblanadi.
Reklama huquqi asosida.
Izoh (0)