Буюк Британия Ўзбекистоннинг ковид-сертификатларини тан олишни бошлади

Буюк Британия 10 январдан бошлаб Ўзбекистонда берилган коронавирусга қарши эмланганлик тўғрисидаги сертификатларни расман тан олади. Бу ҳақда «Дунё» агентлиги хабар берди.

Ўзбекистоннинг Буюк Британиядаги элчихонаси маълумотларига кўра, бу борадаги тегишли маълумот Британия ҳукуматининг сайтига жойлаштирилган.

Буюк Британияга сафар қилаётган Ўзбекистон фуқаролари хорижга чиқишдан камида 14 кун олдин тўлиқ вакцинация курсини ўтаган бўлса, эмланганлик тўғрисидаги сертификат ҳақиқий ҳисобланади.

Буюк Британияга кириш учун қуйидаги вакциналардан бири билан эмланганлик бўлиш шарт:

• Covaxin;
• Moderna;
• Janssen (битта доза);
• Novavax (Nuvaxovid вa Covovax);
• Oxford/AstraZeneca;
• Pfizer/BioNTech;
• Sinopharm Beijing;
• Sinovac-CoronaVac.

Вакцинация сертификатига эга бўлган Ўзбекистон фуқаролари эндиликда Англия ҳудудига кириш учун ПЗР-тестини тақдим этишлари керак бўлмайди ва улар 10 кунлик карантин ўтиш талабидан озод қилинади. Бундан ташқари, Британия ҳудудига киргандан сўнг ПЗР-тест ўрнига анча арзонроқ турувчи IFA-тест (lateral flow test) топширилади.