Buyuk Britaniya 10-yanvardan boshlab O‘zbekistonda berilgan koronavirusga qarshi emlanganlik to‘g‘risidagi sertifikatlarni rasman tan oladi. Bu haqda “Dunyo” agentligi xabar berdi.
Buyuk Britaniyaga safar qilayotgan O‘zbekiston fuqarolari xorijga chiqishdan kamida 14 kun oldin to‘liq vaksinatsiya kursini o‘tagan bo‘lsa, emlanganlik to‘g‘risidagi sertifikat haqiqiy hisoblanadi.
Buyuk Britaniyaga kirish uchun quyidagi vaksinalardan biri bilan emlanganlik bo‘lish shart:
- Covaxin;
- Moderna;
- Janssen (bitta doza);
- Novavax (Nuvaxovid va Covovax);
- Oxford/AstraZeneca;
- Pfizer/BioNTech;
- Sinopharm Beijing;
- Sinovac-CoronaVac.
Vaksinatsiya sertifikatiga ega bo‘lgan O‘zbekiston fuqarolari endilikda Angliya hududiga kirish uchun PZR-testini taqdim etishlari kerak bo‘lmaydi va ular 10 kunlik karantin o‘tish talabidan ozod qilinadi. Bundan tashqari, Britaniya hududiga kirgandan so‘ng PZR-test o‘rniga ancha arzonroq turuvchi IFA-test (lateral flow test) topshiriladi.
Izoh (0)