Салли исмли бир яшар қизалоқ, илк марта пицца татиб кўрганидаги реакцияси билан ижтимоий тармоқларда юлдузликка эришди.
Онаси Саллини янги егулик билан танишиши акс этган видеони TikTok’га жойлаганидан кейин, ролик бир зумда вирус сингари тарқалиб кетган. Бугунги кунга қадар 7,6 миллион мартадан кўпроқ лайк босилган видео 38,6 миллион марта томоша қилинган.
«Питца хоҳлайсанми? Яхши, унда кичкина бўлагини тишла», — дейди қизнинг онаси.
Пиццани татиб кўрган қизалоқ, лаззатланаётганини кўзларини пирпиратиш орқали яхши ифодалайди. Жойланган роликка изоҳ қилиб аксарият фойдаланувчилар қизалоқни жуда яхши тушунишларини ёзиб қолдирган.
Онаси қизалоғи билан ажойиб видеоларни @oh_shoot_girl номли TikTok аккаунтга жойлаб боради. Бошқа бир видеода Саллига онаси тузланган бодринг бераётгани, шўр бўлишига қарамай, қизалоққа бу жуда ҳам ёққанини кўриш мумкин.
Изоҳ (0)