Компания техник ва тижорий ривожланиш бўйича лойиҳаларни амалга ошириб, жорий йилги режаларини муваффақиятли бажарди.
2021 йил бошида абонентларнинг долзарб саволларига жавоб бериш доирасида, Mobiuz раҳбарияти мобил алоқа оператори 4G тармоқларини ривожлантиришга устувор аҳамият беришини таъкидлаб ўтганди. Бундан ташқари, 5G ҳамда eSIM технологиясини жорий этиш масаласи ҳам ўрганиб чиқилиши таъкидланганди.
Режаларни амалга ошириш мақсадида шу йилнинг биринчи ярмида 4G LTE тармоқлари эҳтиёжларини қондириш учун GSM частоталари қайта тақсимланди. Қисқа вақт ичида Ўзбекистонда 700 дан ортиқ таянч станциялари янгиланди. Натижада аввал фақат олдинги авлод тармоқлари қамраб олган ҳудудларга LTE тармоқлари кириб борди.
Йилнинг иккинчи ярмида Хитой Халқ Республикаси билан йирик сармоявий лойиҳани амалга ошириш бошланди. 2021—2024 йилларга мўлжалланган техник ривожланиш доирасида Mobiuz тармоғини модернизация қилиш ва янги технологияларни жорий этиш бўйича кенг кўламли ишлар бошланди.
2021 йилда Mobiuz техник жамоаси 2200 дан ортиқ 4G LTE таянч станцияларини муваффақиятли ишга туширди, шундан 1500 дан кўпроғи инвестиция лойиҳаси доирасида ўрнатилди.
Таянч станцияларини модернизация қилиш ва қуриш бўйича барча ишлар тармоқ инфратузилмасини ривожлантириш билан бирга олиб борилмоқда. Хусусан, катта ҳажмдаги маълумотларни узатиш трафигини ошириш учун транспорт тармоғини кенгайтириш ва янгилаш амалга оширилмоқда.
Жорий йилда Mobiuz’нинг илк 5G таянч станциялари Тошкент шаҳрида ўрнатилди. 1 декабрда компаниянинг 7 йиллиги муносабати билан бешинчи авлод тармоқлари синов тариқасида ишга туширилди. Уларнинг 2022 йилда тўлиқ ишлаши учун тайёргарлик олиб борилмоқда.
2021 йил апрель ойида Mobiuz Ўзбекистон мобил алоқа операторлари ичида биринчи бўлиб eSIM орқали рақамларни улаш хизматини ишга туширди. Технологик янгилик абонентлар орасида тезда машҳурликка эришди ва телекоммуникация хизматларини ривожлантиришнинг янги босқичини бошлаб берди.
Тижорий ривожланиш борасида ҳам муваффақиятга эришилди. Бу йил компания абонентлари сони 5 миллиондан ошди ва ҳозирда ўсишда давом этмоқда. Mobiuz қулай тариф режалари ва хизматлари, шунингдек, юқори даражадаги хизмат кўрсатиши сабабли абонентлар меҳрини қозонмоқда.
2021 йилда компаниянинг хизмат кўрсатиш шартлари яхшиланган «Mobi 25» ва «30+» тариф режалари оммага тақдим этилди. Ойига бор-йўғи 8 минг сўм абонент тўлови бўлган «Yengil» тарифи доим амал қиладиган тарифлар қаторидан жой олди. Компаниянинг туғилган куни муносабати билан «Mobiuz 7 yil» тарифи кутилмаган янгилик бўлди.
«Mobi» тарифлар туркуми, «Gap Yo‘q», «Gap Yo‘q Pro», «O‘qituvchi 1», «O‘qituvchi 2», «Fidokor», «Fidokor+» тарифларининг дақиқа ва мегабайт ҳажмлари кескин оширилди. Чет эллик меҳмонларнинг фикр ва таклифларини инобатга олган ҳолда, «Tourist SIM 90» ва «Tourist SIM 120» тариф режалари жорий этилди. Шунингдек, корпоратив мижозлар учун янги маҳсулотлар — «Corporate 40» ва «Corporate 60» тарифлари ишга туширилди.
Абонентлар танловини кенгайтириш учун компания 2021 йилда ўнлаб янги префиксларни ишга туширди. Деярли бутун йил давомида компаниянинг чиройли рақамлари, жумладан, премиум тоифалари учун турли чегирмалар амал қилди ва ҳозир ҳам амал қилмоқда.
Бу йили узоқ кутилган Mobi Music мусиқа хизмати ишга туширилди. Компания абонентлари минглаб хорижий ва маҳаллий композициялардан чексиз фойдаланиш имкониятига эга бўлди.
Mobiuz йирик пул ва бошқа совринларни ютиб олиш имкониятига эга акцияларни ўтказиш анъанасини давом эттирмоқда. Жорий йилнинг февраль ойида «Mobiuz билан бахтли миллионлар» акцияси бўйича 1 миллион сўмдан 350 миллион сўмгача совринларни қўлга киритган 113 нафар абонент аниқланди. Декабрь ойида 980 миллион сўм мукофот жамғармаси ва Дубайга сайёҳатлар ютиб олиш имконини берадиган «Орзулар учун миллионлар» акцияси бошланди. Унинг илк ғолиблари 31 декабрь куни аниқланади.
2022 йилда Mobiuz тақдим этилаётган хизматлар сифати ва турларини яхшилаш бўйича кенг кўламли ишларни давом эттиради. ХХР билан инвестиция лойиҳасини амалга ошириш, янги технологик ечимларни жорий этиш, маҳсулот ва хизматларни янгилаш компания фаолиятининг устувор йўналишлари бўлади.
Реклама ҳуқуқи асосида.
Изоҳ (0)