Ўзбекистондаги Huawei компанияси «Юксалиш» миллий ҳаракати билан биргаликда тузилган меморандум доирасида, «Бир миллион дарахт» акциясини қўллаб-қувватлаш мақсадида ниҳоллар етказиб берди ва «Дўстлик» боғидаги етук дарахтларни парваришлаш учун маблағ ўтказди.
2021 йил 13 ноябрь куни Ўзбекистондаги Huawei компанияси ва «Юксалиш» умуммиллий ҳаракати Ўзбекистоннинг барқарор ривожланишига ва кенг кўламли дарахтлар экиш орқали иқлим ўзгариши оқибатларини юмшатишга қаратилган «Бир миллион дарахт» акциясини қўллаб-қувватлаш мақсадида ўзаро англашув меморандумини имзолади. Шу куни Болалар миллий тиббиёт маркази ҳудудида биргаликда кўчатлар экилди ва унда Huawei компанияси ходимлари ўз оилалари билан, «Юксалиш» умуммиллий ҳаракати ва «Эзгу амал» жамоат фонди ўз ходимлари ва кўнгиллилари билан иштирок этди.
2021 йил 24 декабрь куни «Дўстлик» боғида (аввалги «Бобур» боғи) кўпроқ етук дарахтларни зараркунанда ва касалликлардан даволаш ва қутқаришга қаратилган навбатдаги эко-тадбир ташкил этилди. Экокўнгиллиларга зарур асбоб-ускуналар, материаллар ва дори воситалари топширилди, шунингдек, 80 туп бута ва дарахт кўчатлари ҳам экилди.
«2020 йил бошида ўзимизнинг ‘Яшил Ўзбекистон’ лойиҳамизни эълон қилганимиздан бери биз табиий ресурсларни асраш ва қишлоқ хўжалигини рақамлаштириш технологияларини жорий этиш, шунингдек, жамоат ва нодавлат ташкилотларнинг ‘яшил’ акцияларини қўллаб-қувватлаш бўйича лойиҳаларни амалга ошириб келмоқдамиз. Инновацион технологияларни жорий этиш ва фаолиятнинг турли соҳалари иштирокчиларининг биргаликдаги саъй-ҳаракатларини қўллаб-қувватлаш орқали атроф-муҳитни муҳофаза қилиш ва иқлим ўзгариши оқибатларини юмшатиш мавзуси бутун дунёда асосий мавзулардан бирига айланди. Биз эса технологияларга асосланган ва ижтимоий масъулиятли компания сифатида Ўзбекистоннинг барқарор ривожланишини қўллаб-қувватлашда фаол иштирок этаётганимиздан ҳамда ҳамма жойда ўз ҳиссамизни қўшаётганимиздан мамнунмиз», — деди Huawei Uzbekistan директори жаноб Лю Цзясин.
20 йилдан ортиқ вақтдан буён жамоат ва нодавлат ташкилотлар, таълим муассасалари билан ҳамкорлик қилиш Ўзбекистондаги Huawei компанияси фаолиятининг ажралмас қисмини ташкил этиб келмоқда. Корпоратив ижтимоий масъулият ва маҳаллий ҳамжамиятларнинг барқарор ривожланишини қўллаб-қувватлаш мақсадида, Huawei йил давомида бир қатор лойиҳаларни амалга оширди, жумладан, «Эзгу Амал» жамоат фонди фаолиятини қўллаб-қувватлади. Ўтган йили ташкилотлар меморандум имзолаган бўлиб, унинг доирасида Huawei шу йилнинг декабрь ойида саратон касалликлари билан курашаётган оилаларга ёрдам бериш учун хайрия маблағини ўтказиш орқали яна бир бор «Эзгу Амал» жамоат фондини қўллаб-қувватлади.
Green Uzbekistan ташаббуси «Юксалиш»нинг «Бир миллион дарахт» акциясини қўллаб-қувватлашдан ташқари, БМТ Тараққиёт дастурининг Орол денгизи тубини кўкаламзорлаштириш лойиҳасини ҳам қамраб олди. Икки йил ичида Huawei компанияси Оролбўйининг қурғоқчил ҳудудларига 30 минг туп саксовул кўчатларини экишни қўллаб-қувватлади.
Реклама ҳуқуқи асосида.
Изоҳ (0)