«Муҳташам юз йил» сериалидаги Сумбул оға роли билан маълум бўлган актёр Селим Байрактар Марям Узерлининг сериални тарк этишига муносабат билдирди.
Гап шундаки, 2021 йилнинг ноябрида телесериал продюсери Тимур Савжи суратга олиш ишлари якунига етмасдан аввал Истанбулдан Германияга жўнаб кетган Хуррам султон қаҳрамонини гавдалантирган Марямни масъулиятсизликда айблаган эди.
Узерли эса бунга руҳий аҳволи билан боғлиқ муаммо сабаб бўлганини таъкидлаган эди.
«Марямнинг бошидан нималар ўтгани, нима уни бундай қилишга мажбур қилганини билмаймиз. Билмасдан туриб, муҳокама қилиш керакмас. Аммо оқибатда биз дўст бўлиб қолдик. Бу Марям сингари ҳамма билан содир бўлиши мумкин. Ҳар бир инсон муҳим қарор қабул қилиши керак бўлган оғир даврларни бошдан кечириши мумкин», — деган Селим Байрактар.
Шунга қарамай, актрисанинг сериалдаги бошқа ҳамкасблари бундай хатти-ҳаракатлар нопрофессионаллик эканини айтиб, продюсерни қўллаб-қувватлаган. «У бутун жамоани ноқулай аҳволга солиб кетди, барча ишларни бузди. Бундай бўлишини ҳеч ким кутмаган эди. Бу вазият мени қаттиқ хафа қилди. Кейинчалик Марямнинг акаси мен билан алоқага чиқди, у тушунтиришга ҳаракат қилди. Марям қайтишга тайёр эди, лекин мен йўқ, ҳаммаси тугади, қайтишнинг кераги йўқ, деб жавоб бердим», — деган Тимур.
Маълумот учун, Марям Узерли сериални тарк этганидан кейин Хуррам султон ролини Ваҳиде Перчин ижро қилган.
Изоҳ (0)