Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларини эътиборингизга ҳавола этамиз.

Шаҳзода Муҳаммедова фолловерларига кун тартиби ҳақида сўзлаб берди. Дизайнер бир кунда уй ишлари, фарзандини парваришлаш, кийимлар тикиш ҳамда турли кўрсатувлар съёмкасига ҳам улгуришини айтиб, мухлисларини ҳайрон қолдирди.

Муниса Ризаева «Миллий» телеканали томонидан «Доимо трендда»ги хонанда сифатида эътироф этилди.

Улуғбек Раҳматуллаев АҚШдаги ўзбеклар хонадонида меҳмон бўлди.

Луиза Расулова саҳифасига янги сурат жойлади.

Азиз Раметов илк марта қачонлардир наркотикларга ружу қўйгани ҳамда ўша пайтда ўз жонига қасд қилмоқчи бўлгани ҳақида сўзлаб берди.

Жавоҳир Зокиров Ботир Зокиров хотира кечасида иштирок этди.

Блогер Озод Хуррамов «Миллий» телеканали томонидан «Йил янгилиги» сифатида эътироф этилди.

«Мендирман Жалолиддин» сериалида севишганлар образини гавдалантирган турк актёри Эмре Кивилжим ва Юлдуз Ражабова ўртасида ҳаётда ҳам севги уйғонгани ҳақидаги миш-мишлар ўз тасдиғини топди. Эмре ўз саҳифасида Юлдуз билан тушган суратини жойлаштириб, «Туғилган кунинг билан, севгилим» деб ёзди.

Нилуфар Усмонова янги «Хатлар ёзмайман» деб номланган қўшиғини хонанда ҳамкасблари даврасида премьера қилди.

Зиёданинг «Тор кўча» қўшиғи «Миллий» телеканали томонидан «Йилнинг энг яхши қўшиғи» сифатида эътироф этилди.

Севара Назархон ўз туғилган кунида, яъни 23 декабрда Москва шаҳрида концерт берди. Хонанда бугун Тошкентдан Москвага жўнаб кетди. Уни Россия пойтахтида укаси Даврон Назархонов кутиб олди.

Хонанда Тошкентда ҳам бир кун олдин энг яқин дўстлари билан туғилган кунини нишонлади.

Дилсўз тўртинчи марта она бўлиш арафасида эканини маълум қилди.

Хонанда Шароф Муқимов ўз саҳифаси орқали 19 декабрь куни уч эгизак ўғил фарзандли бўлгани ҳақида маълум қилган эди. Унинг мухлислари хонандани ушбу қувончли воқеа билан табриклаган. Аслида эса Шароф Муқимов бир ўғилнинг отаси бўлган, унинг уч эгизак ўғил кўргани шунчаки ҳазил бўлиб чиқди. Хонанда 23 декабрь куни турмуш ўртоғи ва ўғлини туғруқхонадан олиб чиқди.

Чақалоққа Тоҳир деб исм қўйилди.