Ҳамкасбларини ҳақорат қилганликда айбланаётган Бурак Ўзчивитнинг иши бўйича суд жараёни бошланди.
Сал аввалроқ Истанбулнинг Бейкоз тумани бош прокуратурасининг текшируви якунига етди, энди эса актёрга қарши мазкур даъво судда кўриб чиқилмоқда. Маълум бўлишича, суд залига ОАВ вакилларидан ҳеч ким киритилмаган.
Бейкоз бош прокуратураси томонидан тайёрланган айблов хулосасига кўра, Бурак Ўзчивит «Қурилиш: Усмон» сериалини суратга олиш жараёнида 4 нафар ҳамкасбини куракда турмайдиган сўзлар билан ҳақорат қилган. Суратга олиш жамоаси сўроқ қилинганидан кейин даъво очилган. Унга кўра, Ўзчивит 3 ой-у 15 суткадан 4 йил-у 1 ойгача бўлган муддатга озодликдан маҳрум қилиниши кераклиги айтилган.
Эслатиб ўтамиз, мазкур воқеа 2020 йил декабрда содир бўлган бўлиб, жамоадаги оператор ёрдамчисининг сўзларига кўра, Буракнинг оғзидан чиққанларни эшитиб, суратга олиш майдончасидагилар шокка тушиб қолган ва ҳеч ким лом-лим дея олмаган.
Бу ҳақида унинг ўзи: «Иддао қилинганидек ҳеч кимни ҳақорат қилмадим. Суратга олиш жараёни стрессли бўлгани тўғри. Аммо оғзимдан асло сўкиниш ва ҳақорат чиқмаган. Чиқиши ҳам мумкин эмас. Мени яқиндан таниган барча бундай одам эмаслигимни яхши билади», — деган.
Аввалроқ Турк актёри Бурак Ўзчивит PUBG ўйинининг қаҳрамонига айланиши, ўйинга қарши бўлган фойдаланувчилар виртуал реалликни реклама қилиш яхши эмаслигини ёзиб қолдиргани ҳақида хабар берилганди.
Мавзуга доир:
Изоҳ (0)