Агар мобил қурилмангизни рўйхатдан ўтказиш паспорт эгасининг аризаси асосида бекор қилинганлиги аниқланса нима қилиш керак?

Агарда бу каби ҳолат юзага келса, демак, мобил қурилмангиз Ўзбекистон Республикаси ҳудудига ноқонуний равишда олиб келинган ёки импорт қилувчи томонидан тегишли тартибда рўйхатдан ўтказилмаган (Эслатиб ўтамиз, мобил қурилмани рўйхатдан ўтказиш учун истеъмолчи, яъни харидор эмас, балки импорт қилувчи — сотувчи жавобгар.)

Баъзида истеъмолчилар нохуш ҳолатларга дуч келмоқда, жумладан, мобил қурилма чет элга чиққан шахс номига унинг рухсатисиз рўйхатдан ўтказилмоқда, унинг паспорт маълумотларидан ноқонуний равишда фойдаланилмоқда. Агарда бундай ҳолат юзага келса, паспорт маълумотларидан ноқуний равишда фойдаланилган шахснинг аризасига кўра, мобил қурилмани рўйхатдан ўтказиш бекор қилинади.

UzIMEI оператори харидни амалга ошириш вақтида мобил қурилманинг тизимда рўйхатдан ўтганлигини текшириш лозимлиги ҳақида мунтазам равишда хабардор қилиб боради.

Бундай ҳолатларнинг олдини олиш учун мобил қурилма харид қилиш ватида унинг IMEI коди рўйхатдан ўтганлигини www.uzimei.uz сайти ёки 1170 қисқа рақамига SMS/USSD сўров юбориш орқали текшириш тавсия этилади.

Тизим ҳар бир кирувчи сўровга IMEI кодининг ҳолатига қараб, бир неча кўринишда жавоб бериши мумкин:

1. Агар мобил қурилма қонуний равишда импорт қилинган ва импорт қилувчи томонидан рўйхатдан ўтказилган бўлса, қуйидаги жавоб келади:

Мобил қурилмани фақатгина ушбу жавобни олганингиздан сўнг сотиб олишни тавсия қиламиз.

2. Агар мобил қурилма жисмоний шахснинг паспорт маълумотларидан фойдаланган ҳолда рўйхатдан ўтказилган бўлса, қуйидаги жавоб келади:

Эслатиб ўтамиз, UzIMEI тизимининг асосий мақсади истеъмолчилар ҳуқуқларини ҳимоя қилиш, республикага сифатсиз мобил қурилмаларнинг олиб кирилиши ва савдосининг олдини олиш.

Йирик чакана савдо тармоғи ёки оддий дўкон бўлишидан қатъи назар, агар харид қилган мобил қурилмангиз UzIMEI тизимида рўйхатдан ўтмаган бўлса, ушбу мобил қурилмани сотган сотувчига мурожаат қилишингиз лозим.

IMEI кодини рўйхатдан ўтказиш билан боғлиқ барча маълумотларни 1170 алоқа рақами орқали ёки расмий рўйхатга олиш пунктларидан олишингиз мумкин.

Агар харид қилинган мобил қурилма маълумотлар базасига киритилмаган бўлса ёки қутида «Импорт маҳсулот» ёзуви туширилган стикер бўлмаса, тегишли тартибда чора кўриш учун UzIMEI’га хабар беришингизни сўраймиз.

Реклама ҳуқуқи асосида.