Futbol bo‘yicha Italiya A Seriyasining 19-turidan o‘rin olgan “Roma” va “Sampdoriya” o‘rtasidagi o‘yin 23-dekabr, chorshanba kuni bo‘lib o‘tdi.
Rimda bo‘lib o‘tgan 1:1 hisobidagi durang natija bilan yakunlandi. Dastlab, 67-daqiqada zaxiradan o‘yinga qo‘shilgan Eldor Shomurodov 72-daqiqada hisobni ochdi. O‘zbekistonlik hujumchi ushbu vaziyatda jarima maydonchasi ichidan darvozani aniq nishonga oldi. 80-daqiqada esa mehmonlar burchak zarbasidan oshirilgan to‘pni golga aylantirib, muvozanatni tikladi.
Shu tariqa “Roma” o‘z maydonida kechgan bahsda muhim bo‘lgan ochkolarni yo‘qotdi.
Qayd etish kerak, bu Shomurodov uchun “Roma” safidagi 3-gol bo‘ldi. U shundan ikkitasini A Seriya doirasida urgan bo‘lsa, yana bittasi Konferensiyalar Ligasining saralash o‘yiniga to‘g‘ri keladi. Shuningdek, uning hisobida barcha musobaqalar doirasida 5 ta golli uzatma ham bor.
Ushbu natijadan keyin “Roma” 32 ochko bilan musobaqa jadvalida 6-o‘rinda bormoqda. “Sampdoriya” esa 20 ochko bilan 14-pog‘onani band etgan.
“Inter” ham tur doirasida o‘z maydonida o‘yin o‘tkazib, “Torino” ustidan kichik hisobdagi g‘alabani tantana qildi.
A Seriya
19-tur bahslari
22-dekabr, chorshanba
“Roma” – “Sampdoriya” 1:1
Gollar: 1:0 – 72 Shomurodov, 1:1 – 80 Gabbyadini.“Roma” – Ruy Patrisiu, Karsdorp, Smolling, Manchini, Rojer, Vinya (Shomurodov, 67), Mxitaryan, Veretu (ash-Shaaravi, 67), Kristante, Zanyolo, Abraham (Afena-Gyan, 47).
“Sampdoriya” – Falkone, Bereshinski (Chyervo, 76), Yosida, Kolli, Aujello, Kandreva (Depaoli, 89), Askildsen (Yepes, 89), Adriyen Silva, Ekdal (Ferrari, 37), Gabbyadini, Kaputo (Kualyarella, 76).
Ogohlantirishlar: Bereshinski (44), Falkone (60), Askildsen (61).
“Inter” – “Torino” 1:0
Gol: 1:0 – 30 Dumfris.“Inter” – Handanovich, Dumfris (Dambrozio, 83), de Vrey, Shkrinyar, Bastoni, Perishich (Dimarko, 90), Vidal (Sensi, 82), Brozovich, Chalxono‘g‘lu (Vesino, 69), Jeko, Martines (Sanches, 69).
“Torino” – Milinkovich-Savich, Singo (Ansaldi, 76), Jiji, Buonjorno (Rodriges, 65), Bremer, Ayna, Brekalo (Prat, 76), Lukich, Pobega (Mandragora, 65), Pyatsa, Sanabriya (Varming, 59).
Ogohlantirishlar: Chalxono‘g‘lu (65).
Izoh (0)