Инвестициялар ва ташқи савдо вазири Сардор Умурзоқов унга шогирд бўлишни истаган йигитнинг таклифини қабул қилди, дея хабар бермоқда «Дарё» мухбири.
Тошкент ёшлар форуми доирасида турли учрашувлар, хусусан, ҳукумат аъзоларининг ёшлар билан мулоқотлари ташкил этилмоқда. Форумнинг иккинчи куни — 21 декабрда ИТСВ раҳбари Сардор Умурзоқов ёшлар билан учрашди.
Мулоқот давомида Тошкентдаги Ёжу техника институти 4-босқич талабаси Муҳаммад Жалилов вазирга мурожаат қилиб, сўзининг аввалида Умурзоқов билан Тошкент Беш ташаббус ҳаракати фестивалида кўриша олмаганини таъкидлади.
Шундан сўнг у вазирдан илтимос қилди: «Сиздан илтимосим шуки, мени ёнингизга олиб, шогирд сифатида иш ўргатсангиз». Сардор Умурзоқов талабадан нима иш билан шуғулланишини сўради. Талаба энди иш ўрганмоқчи эканини айтди.
Йигитнинг сўзларини тинглаган вазир Умурзоқов унинг илтимосини қабул қилди ва шу жойнинг ўзида биринчи ўринбосари Азиз Воитовга: «Тадбирдан кейин тез менинг олдимга олиб борасиз», — деб топшириқ берди.
2021 йилнинг май ойида Тошкент Беш ташаббус ҳаракати фестивали давомида бош вазир ўринбосари, туризм ва спорт вазири Азиз Абдуҳакимов ёшлар билан мулоқоти давомида туризм соҳаси бўйича бирданига учта таклиф билдирган Шаҳбоз Зариповни вазирликка ишга таклиф қилган эди.
Мавзуга доир:
- «Ҳали форумимиз тугагани йўқ, давом этяпти» — Жаҳонгир Ортиқхўжаев форумларга бюджетдан қанча маблағ ажратилгани ва TikTok блокланиши ҳақида
- «Чекловлар кўпайиб кетди дегани, улар бўлмаслиги керак дегани эмас» — Русланбек Давлетов айрим ижтимоий тармоқлар блокланиши ҳақида
- «Энди саволингизни ҳам дўппида берасиз». Озодбек Назарбеков ёшлар билан учрашув давомида чўнтагидан дўппи олиб кийди
Изоҳ (0)