InfinBANK халқаро молия институтларининг кредит линияларини таклиф этади

InfinBANK тадбиркорлик фаолиятини қўллаб-қувватлаш ва ривожлантириш мақсадида ўз мижозларига савдони молиялаштириш учун молиявий воситалар, шунингдек, халқаро молия институтларининг кредит линияларини таклиф этади.

Нисбатан қулайроқ бўлган ушбу кредит воситаларидан бири савдони молиялаштириш бўлиб, анъанавий кредитлашдан кўра кўпроқ афзалликларга эга. Биринчидан, хизматларга паст нархлар белгиланган (арзонроқ), иккинчидан, компаниянинг айланма маблағларини жалб қилмасдан сақлаб қолиш мумкин. Учинчидан, молиявий хавф камаяди.

Агар сизга:

• хориждан хомашё ва ускуналар сотиб олиш учун кредит зарур бўлса;
• сиз товар ва хизматларни сотиб олгансиз ва сизга тўловни кечиктириш керак бўлса;
• янги етказиб берувчи ёки контрагент билан ишлаётганда хавфларни камайтиришни хоҳласангиз, унда бемалол савдони молиялаштириш масаласида InfinBANK’га мурожаат қилишингиз мумкин.

InfinBANK, шунингдек, Савдони молиялаштириш халқаро ислом корпорацияси (ITFC)нинг кредит линиялари доирасида, ислом молияси асосида ҳам савдо молиялаштиришини амалга оширади.

Бундан ташқари, InfinBANK халқаро кредит линиялари доирасида бизнесни ривожлантиришга ёрдам бериши мумкин:

• Ускуналарни янги, энергия тежамкор муқобилига алмаштиришни кўзда тутувчи лойиҳаларни амалга ошириш учун Халқаро тикланиш ва тараққиёт банки (ХТТБ) кредит линияси. Кредитлар йиллик 7 фоиз ставка билан 5—7 йил муддатга тақдим этилади;
• Хусусий секторни ривожлантириш бўйича ислом корпорацияси (ХСРИК) кредит линияси. Линия ислом молияси асосида фаолият кўрсатади. Кредитлар 3 йилгача муддатга берилади ва қарз олувчи учун фоизлар (Mark up) йилига 9—11 фоизни ташкил қилади. Мазкур кредит линиясида туризм, мудофаа ва кўчмас мулк соҳасидаги лойиҳаларни молиялаштириш кўзда тутилмаган.

Реклама ҳуқуқи асосида.