Бугун,

  • USD 11014.01
  • RUB 191.8
  • EUR 10674.78

Россиянинг Нижний Новгород вилоятида 9 декабрь куни ўзбекистонликлар бўлган автобус «КамАЗ»га тўқнашгани ҳақида хабар берилган эди. Ташқи меҳнат миграцияси агентлиги ҳолат юзасидан расмий маълумот берди.

Фото: Нижегородск прокуратураси матбуот хизмати

Фото: Нижегородск прокуратураси матбуот хизмати

«РИА Новости» берган маълумотда ҳодиса оқибатида ҳайдовчи ҳалок бўлгани, автобусдаги 23 нафар йўловчининг 11 нафари тан жароҳати олгани, уларнинг барчаси Ўзбекистон фуқаролари эканлиги айтилганди.

Агентликнинг Самара шаҳридаги ваколатхонаси ушбу ҳолат юзасидан тегишли ташкилот вакиллари билан алоқа ўрнатди.

Маълум бўлишича, автобусда кетаётган 22 йўловчининг 13 нафари Россияга мустақил равишда ишга борган Ўзбекистон фуқаролари бўлган. Автоҳалокат оқибатида тан жароҳати олгани сабабли 5 нафар Ўзбекистон фуқароси Нижний-Новгород вилояти М.Владимирский номидаги шаҳар тез тиббий ёрдам касалхонасига ётқизилган.

ЙТҲда тан жароҳати олган ўзбекистонликларнинг аҳволи қониқарли бўлгани сабабли тегишли тиббий хизмат кўрсатилгандан сўнг, шу куннинг ўзида уларга касалхонадан жавоб берилган.

Изоҳ
Асосий янгиликлар