Британиянинг «Cable.co.uk» портали томонидан тузилган жаҳондаги энг арзон электр энергияси рейтингида Ўзбекистон еттинчи ўринни эгаллади.
Ресурс мутахассислари 230 давлатда электр энергияси нархларини таҳлил қилган. Маълум бўлишича, энг арзон электр энергияси Африка ва МДҲ мамлакатларида мавжуд.
Марказий Осиёда энг арзон электр энергияси Қирғизистонда экани маълум қилинган. Умумий рўйхатда эса Қирғизистон тўртинчи ўринни эгаллаган. Берилган маълумотларга кўра, мамлакат фуқаролари ҳар бир киловатт-соат учун 0,017 АҚШ доллари сарфлайди.
Кейинги ўринда Тожикистон — бир киловатт-соат нархи 0,023 долларни ташкил этади.
Умумий рейтингда 7-ўринни эгаллаган Ўзбекистоннинг ўзида аҳоли учун электр энергияси, экспертларнинг фикрича, 0,027 доллар туради. Бу рейтингда ўн олтинчи ўринни эгаллаган Қозоғистондан (0,039 доллар) арзонроқ.
Энг қиммат электр энергияси Кариб денгизи, Тинч океани ороллари, шунингдек, Германия ва Сомалида — бир киловатт-соат учун 0,30 доллардан 0,69 долларгача.
Мавзуга доир:
- Энергетика вазирлиги Тошкентда сув таъминотидаги узилиш электр энергияси билан боғлиқлигини рад этди
- Ўзбекистонда 2021 йилнинг ўтган даврида 107 мингта аҳоли хонадонининг 1 ойлик истеъмолига тенг электр энергиясидан ноқонуний фойдаланилган
- Сирдарёда 1600 МВт қувватга эга янги иссиқлик электр станцияси қурилади
Изоҳ (0)