Бугун,

  • USD 11095.31
  • RUB 173.84
  • EUR 10772.44

Америка ҳукумати Россияни Украинага қарши ҳарбий босқиндан тийишга қаратилган янги санкциялар пакетини ишлаб чиқмоқда. Бу ҳақда CNN манбаларига таяниб, Meduza хабар берди.

Фото: AP Photo

Фото: AP Photo

CNN манбаларининг айтишича, санкциялар Россия президенти Владимир Путин ва россиялик «олигархлар» атрофидаги кишиларга қарши чекловлар, банклар ва энергетика компанияларига нисбатан чоралар, Россия суверен қарзига қарши санкциялар ҳамда потенциал «ядровий вариант»— Россияни SWIFT банклараро пул ўтказиш тизимидан узиб қўйишни ўз ичига олади.

Санкцияларни қачон ва қандай шароитларда қўллаш бўйича якуний қарор ҳали қабул қилинмаган. АҚШ ҳукумати ўз ҳаракатлари ҳақида Россия билан яқиндан иқтисодий алоқалар олиб борувчи европалик ҳамкорлари билан келишиб олмоқчи, деди CNN манбалари.

«Биз тажовузкор санкциялар пакетини йиғдик», — деди манбалардан бири. Унинг қўшимча қилишича, Москва Украинага бостириб кирса, АҚШ ва Европа Эрон ва Шимолий Кореядан бошқа исталган давлатга нисбатан қўллаган энг ёмон иқтисодий санкцияларни жорий этади.

Россия президенти матбуот котиби Дмитрий Песков CNN мақоласини Путин ва Байден ўртасидаги музокаралар олдидан «ахборот истериясининг давоми» деб атади.

Bloomberg манбаларига таяниб хабар беришича, АҚШ ва Европа Иттифоқи Россия Украинага бостириб кирган тақдирда, Россия банклари ва Россия тўғридан-тўғри инвестициялар жамғармасига қарши санкциялар қўллаш имкониятини кўриб чиқмоқда. Бундан ташқари, санкциялар вариантлари орасида рублни бошқа валюталарга конвертация қилиш бўйича ва иккиламчи бозорда Россия қарз мажбуриятларини сотиб олиш бўйича чекловлар мавжуд.

Ғарбда сўнгги ҳафталарда Россия қўшинларининг Украина билан чегарада қайта тўпланаётгани ҳақида хабарлар тарқалмоқда. Америка ва Европа ОАВ манбаларига кўра, Россия 2022 йил бошида Украинага бостириб киришни режалаштирган.

Россия—Украина инқирози фонида АҚШ президенти Жо Байден ва Россия президенти Владимир Путин 7 декабрь куни видеомузокаралар ўтказишга келишиб олди.

АҚШ Давлат котиби Энтони Блинкен Россияга қарши эҳтимолий санкциялар ҳақида гапирар экан, гап АҚШ аввалроқ рад этган «самарали иқтисодий чоралар» ҳақида кетаётганини таъкидлаган.

Изоҳ
Асосий янгиликлар
Крипто
Ўзбекистон 2022 йилда крипто секторидан бюджетга 300 минг доллардан ортиқ маблағ йиғди
Маҳаллий
“Геосиёсий вазиятнинг салбий таъсири сабабли инфляция даражаси кутганимиздан юқори шаклланди” — Мамаризо Нурмуродов
Маҳаллий
Шавкат Мирзиёев Туркиядаги зилзила муносабати билан Ражаб Тоййиб Эрдўғонга ҳамдардлик йўллади