АҚШ собиқ президенти Дональд Трамп давлат раҳбари сифатидаги тўрт йиллик фаолияти ҳақида мемуар китоб нашр этишни режалаштирмоқда. Бу ҳақда у Newsmax телеканалига берган интервьюсида гапириб ўтди.
«Ҳа, мен уларни ёзяпман. Мана кўрасиз — бу жуда кучли битик» — деди у.
Оқ уй собиқ раҳбарининг сўзларига кўра, унинг бўлажак китоби аллақачон «нашриётларда катта қизиқиш уйғотган».
Трамп китобда қайси мавзуларга тўхталиб ўтишини очиқламади.
Аввалроқ у биринчи китоби «Рождество харидлари мавсуми»гача нашр этилишини эълон қилганди. Кейин у бўлажак китобини «барча ватанпарварлар ўқиши шарт» деб таърифлади. Фотосуратлар билан бойитилиши режалаштирилган китобнинг дастлабки номи — «Биргаликдаги саёҳатимиз».
Эслатиб ўтамиз, октябрь бошида Forbes АҚШнинг энг бадавлат инсонлари рўйхатини эълон қилган ва Трамп 25 йил ичида биринчи бор унга киритилмаган эди. Унинг рейтингга кириши учун 400 миллион доллар етмаган. Таҳлилчиларнинг баҳолашича, собиқ президентнинг бойлиги 2,5 миллиард долларни ташкил этади.
Изоҳ (0)