Ўзбекистонда янги 50 минг ва 100 минг сўмлик купюралар муомалага чиқарилиши кутиляпти. Бу ҳақда ўз манбасига таяниб, «Xabar.uz» нашри хабар берди.
Янги кўринишдаги купюралар қачон чиқарилиши ва қандай кўринишда бўлиши ҳозирча маълум эмас.
Эслатиб ўтамиз, Ўзбекистонда 2021 йилнинг 14 июнидан бошлаб номинал қиймати 2 000 сўм ва 20 000 сўм бўлган банкнот кўринишидаги янги пул белгилари муомалага чиқарилганди. 2021 йилнинг 26 августидан бошлаб эса муомалага Ўзбекистонда 5 минг ва 10 минг сўмлик банкноталар янги кўринишда чиқарилишини бошлаган эди. Ўшанда Марказий банк вакили 5 минг ва 10 минг сўмлик банкноталар янги кўринишда чиқарилишига банкнотларни ягона тематикага бирлаштириш мақсади ҳам сабаб бўлганини айтиб ўтганди.
Маълумот учун, ҳозирги вақтда ўзбек сўмининг энг катта қийматли купюраси 100 000 сўм ҳисобланади. Мазкур купюра 2019 йил 25 февралдан муомалага чиқарилган.
Изоҳ (0)