Ўзбекистон йўлларида сўнгги кунларда содир бўлган ҳодисалар ҳақида батафсил маълумот берамиз.
Наманганда Nexia пиёдани ўлимига сабабчи бўлди
2021 йил 25 ноябрь куни соат 20:00 ларда, «Боғистон» МФЙ ҳудудида, Чортоқ туманида яшовчи фуқаро (1990 йилда туғилган) Nexia автомашинасини ишонч қоғози билан бошқариб бораётиб, ҳаракат хавфсизлигини таъминлай олмай, йўлни кесиб ўтаётган пиёда, Чортоқ туманида яшаган фуқарони (1978 йилда туғилган) уриб юборган.
Оқибатда пиёда олган тан жароҳати оқибатида воқеа жойида вафот этган.
Ушбу ҳолат бўйича Чортоқ туман ИИБ ҳузуридаги ТБ томонидан 2021 йил 25 ноябрь куни Жиноят кодексининг 266-моддаси 2-қисми (одам ўлимига сабаб бўлган транспорт бошқариш хавфсизлиги қоидаларини бузиш) билан жиноят иши қўзғатилган.
Олмазор тумани Беруний кўчасида Matiz автомобилда ёнғин содир бўлди
1 декабрь куни соат 09:10 да Олмазор тумани Фавқулодда вазиятлар бўлимига Беруний кўчасида Matiz автомобилида ёнғин содир бўлаётгани тўғрисида хабар келиб тушган.
Фото ФВВ
Воқеа жойига ёнғин-қутқарув экипажлари соат 09:13да етиб бориб, 09:14 да ёнғин батамом ўчирилган.
Ёнғин оқибатида фуқароларнинг тан жароҳати олиш ва ҳалок бўлиш ҳолатлари қайд этилмади. Ҳозирда мутахассислар томонидан ёнғин сабаби ва моддий зарари аниқланмоқда.
Мирзо Улуғбек туманида Lacetti ағдарилди
Дастлабки маълумотларга кўра, 2021 йилнинг 1 декабрь куни соат 20:50 ларда Тошкент шаҳар, Мирзо Улуғбек тумани, Мустақиллик шоҳкўчасида, «Ҳамид Олимжон» метро бекати яқинида ҳайдовчи Б.Ҳ.(2000 йилда туғилган) бошқарувидаги Lacetti ва ҳайдовчи Х.Қ.(1998 йилда туғилган) бошқарувида бўлган Spark автомобиллар иштирокида тўқнашув содир бўлган ва Lacetti автомобиль ағдарилган.
Тўқнашув оқибатида тан жароҳати олган фуқаролар йўқ.
Фото: ЙҲХББ
Фото: ЙҲХББ
ЙТҲ юзасидан Тошкент шаҳар ИИББ ЙҲХБ ходимлари томонидан суриштирув олиб борилмоқда.
Чилонзор туманида 2 та Spark тўқнашди
Telegram’даги каналларда 2 та Spark иштирокида йўл-транспорт ҳодисаси содир бўлгани акс этган видео тарқалди. Ҳолат Тошкент шаҳри Чилонзор туманида бўлгани айтилмоқда.
Воқеа оқибатида жабрланганлар бор ёки йўқлиги номаълум. Ҳолат юзасидан ҳали расмий хабар берилмаган.
Новзада Spark Damas’га бориб урилди
Telegram каналларда Чилонзор туманидаги йўл-ўтказгичда Spark ва Damas иштирокида тўқнашув содир бўлгани хабар қилинди. Жабрланганлар ҳақида маълумот йўқ.
