Ўзбекистонда 3 та қуёш фотоэлектр станцияларини қуриш бўйича эълон қилинган тендернинг биринчи босқичида халқаро компаниялардан 15 та ариза келиб тушди, дея хабар бермоқда Энергетика вазирлиги матбуот хизмати.
Тендер Халқаро молия корпорацияси кўмагида Энергетика вазирлиги, Инвестициялар ва ташқи савдо вазирлиги ҳамда Давлат-хусусий шерикликни ривожлантириш агентлиги томонидан амалга оширилмоқда.
Лойиҳа Наманган, Бухоро ва Хоразм вилоятларида умумий қуввати 500 мегаваттгача бўлган учта қуёш фотоэлектр станция қуришни назарда тутади.
Қайд этилишича, тендер жараёни энг юқори халқаро стандартлар ҳамда очиқлик ва ошкоралик талабларига мос равишда ўтказилади. Унда қатнашишни хоҳловчиларнинг барчасига бепул кириш учун малака сўрови тақдим этилган.
Тендер комиссияси иштирокчилардан таклифларни олгандан сўнг, қабул қилинган таклифларнинг тўлиқлиги ва изчиллигини баҳолаш учун юборилади. Шундан сўнг малакали иштирокчиларнинг «қисқа рўйхати» эълон қилинади ва улар тендернинг иккинчи босқичига қўйилади.
Мавзуга доир:
- Ўзбекистонда 2021 йилнинг ўтган даврида 107 мингта аҳоли хонадонининг 1 ойлик истеъмолига тенг электр энергиясидан ноқонуний фойдаланилган
- Хоразм, Бухоро, Қашқадарё, Наманган ва Фарғонада жами 900 мегаваттли 5 та қуёш электр станцияси барпо этилади
- Ўзбекистонда биринчи марта давлат фуқародан электр энергия сотиб олди
Изоҳ (0)