Бугунги кунда қуюқлиги, самарасига қараб турли тональ кремларни танлаш мумкин. Айрим брендлар тональ кремларни тери тури – қуруқ ёки ёғлилигига мўлжаллаб ишлаб чиқармоқда.
Масалан, сув асослиси ёғли тери, ёғ асослиси эса қуруқ тери учун мос. Shiseido Synchro Skin Self-Refreshing тональ кремларида ёғ бўлмагани ва асоси сувдан иборат бўлгани ҳисобига ушбу восита исталган терига мос тушади. Макияжни терини тайёрлаб олишдан бошлаш керак. Кейин тональ крем, консилер ёки корректор ишлатиш керак.
Консилер тональ крем билан солиштирганда юқори пигментли восита ҳисобланади. Уни тональ кремдан бироз очроғини танлаб, кўз остидаги кўкариш ва шишларни ёпиш учун ишлатиш керак. Уни фақатгина терининг маълум қисмига, муаммоларни беркитиш учунгина суртинг. Консилер теридаги яллиғланиш ва ҳуснбузарларни тональ кремдан кўра яхшироқ яширади. Аммо кўз остидаги тери юпқа экани ҳисобига кам миқдорда суртилмаса, яққол кўзга ташланиб қолади.
Тузилиши жиҳатидан корректор консилердан кўра қуюқроқ бўлади. Корректор теридаги камчиликларни тўғрилаш учун фойдаланилади. Теридаги муаммога қараб унинг турли рангини ишлатиш керак. Масалан, юздаги қизаришларни яширишда яшил корректор яхши самара беради. Аслида, макияжда ҳам ушбу принципдан фойдаланилади. Агар юз териси кул ранг бўлса, асос сифатида пушти рангли воситани танлаш керак. Яшил рангга эса сиёҳранг айни муддао бўлади. Рангли корректорлардан фойдаланганда биринчи корректорни, кейин эса тональ кремни суртинг. Агар кўз остидаги терига суртмоқчи бўлсангиз, аввал корректор, кейин эса консилер суртинг. Кўкариш ва юздаги муаммолар ранги қанчалик тўқ бўлса, консилернинг шунча ёрқин рангини танлаш керак. Акс ҳолда консилер яхши самара бермаслиги мумкин.
Изоҳ (0)