Янги йилни кўтаринки кайфиятда кутиб олиш учун нафақат образ, балки маникюр ҳам ўзига хос бўлишига эътибор қаратиш керак. Cosmopolitan нашри безак борасида нима қилишни билмаётган аёл-қизларнинг илҳомланиши учун бир-биридан қизиқ ғояларни тақдим қилади.
Лак устидан турли нақш ва безаклар чизинг
Янги йил фантазияни ишлатиш ва тирноқларни ўзига хос дизайн билан бўяш учун айни муддао. Қишга хос рамзлар: қор, юлдуз, арча, буғу, конфет ва совғалар байрам кайфиятини бахш этиши аниқ.
Бундай суратларни биргина бармоққа тушириш кифоя, шунда балансни сақлаб қолиш мумкин бўлади. Агар ундан ҳам қизиқроқ чиқишини хоҳласангиз, бир нечта бармоқни турлича безасангиз ҳам бўлади.
Ранг-баранг бўлсин
Тирноқ ва тери рангидаги лаклар йилнинг исталган кунида долзарб бўлади.
Янги йилги маникюр ёрқин, масалан, қизил, яшил рангда бўлгани яхши. Унинг устини эса истак ва хоҳишга қараб, турлича безасангиз бўлади.
Ўзига хос дизайн
Кўпроқ безак ва ўзига хосликни истасангиз, кўзли, ялтироқ, пистонли вариантларга эътибор қаратинг. Фантазиянгизни истаганча ишлатиб, ранг борасида танлов қилишдан чўчимасангиз ҳам бўлади.
Геометрик шакллар билан безанг
Френч қилинган тирноқ ҳам байрам учун айни муддао, бунинг учун ёрқин бўёқлар, чизиқ ва геометрик шакллар қўшиш керак, холос. Байрамона либос ва образдан илҳомланиб, истаганча танлов қилсангиз бўлади.
Изоҳ (0)