Бугун,

  • USD 11095.31
  • RUB 173.84
  • EUR 10772.44

Олий Мажлиси Сенатининг йигирма биринчи ялпи мажлисини 18 ноябрь куни чақирилади. Бу ҳақда парламент юқори палатаси матбуот хизмати хабар берди.

Фото: Олий Мажлис Сенати матбуот хизмати

Фото: Олий Мажлис Сенати матбуот хизмати

Видеоконференцалоқа тарзида ўтказиладиган ялпи мажлисда сенаторлар «Фавқулодда ҳолат тўғрисида»ги Конституциявий қонун, «Гидрометеорология фаолияти тўғрисида»ги қонунни кўриб чиқади.

Бундан ташқари, ялпи мажлисда интеллектуал мулк, истеъмолчилар ҳуқуқларини ҳимоя қилиш, фуқаролик тўғрисидаги, оғир ижтимоий аҳволда қолган хотин-қизлар ҳуқуқлари кафолатларини таъминлаш ҳамда ўсимликлар карантини ва ҳимояси каби соҳаларда қонунчиликка қўшимча ва ўзгартишлар киритиши масалалари ҳам муҳокама қилинади.

Шунингдек, «Транспорт ва молия соҳаларидаги айрим ҳуқуқбузарликларни содир этганлик учун маъмурий жазолар либераллаштирилиши муносабати билан Ўзбекистон Республикасининг Маъмурий жавобгарлик тўғрисидаги кодексига ўзгартишлар киритиш ҳақида»ги қонун ҳам муҳокама қилинади.

Ялпи мажлисда Инсон ҳуқуқлари бўйича Ўзбекистон миллий маркази директорининг инсон ҳуқуқлари соҳасидаги халқаро мажбуриятларнинг бажарилиши ҳолати ҳақидаги ахборотини эшитиш ҳам ўрин олган.

Бундан ташқари, Сенаторлар аҳолини ичимлик суви билан таъминлашдаги муаммолар юзасидан Вазирлар Маҳкамасига юборилган парламент сўрови натижаларини кўриб чиқади.

Шу билан бирга, ҳомиладор ва репродуктив ёшдаги аёллар ҳамда гўдакларга кўрсатилаётган тиббий ёрдам ҳолати ҳамда енгил саноат ва чарм саноати корхоналарида хотин-қизларнинг меҳнат муносабатлари билан боғлиқ масалаларда иш берувчиларнинг масъулиятини ошириш бўйича Вазирлар Маҳкамасига парламент сўровлари юбориш масалалари муҳокама этилади.

Фан, таълим ва соғлиқни сақлаш масалалари қўмитасининг 2020 йил ва 2021 йилнинг ўтган давридаги фаолияти юзасидан ҳисоботини ҳам эшитиш режалаштирилган.

Эслатиб ўтамиз, Сенатнинг йигирманчи ялпи мажлиси 20 октябрь куни чақирилганди. Мазкур мажлисда «Ижтимоий тадбиркорлик тўғрисида»ги қонун муҳокамаси адлия вазири ва сенаторлар ўртасидаги дебатга айланиб кетганди. Сенаторлар «Ижтимоий тадбиркорлик тўғрисида»ги қонуннинг баъзи нормаларини қайта кўриб чиқиш керак деб ҳисоблаб, уни қайтарган эди. Кейинроқ Ногиронлар, Карлар ва Кўзи ожизлар жамиятлари Сенатга мурожаат қилди.

Изоҳ
Асосий янгиликлар
Маҳаллий
«Дарё» кундалигида 2 декабрда содир бўлган энг муҳим воқеалар
Маҳаллий
«Ифлослантирувчи тўлайди» тамойили, «яшил сертификатлар», энергия улушини камайтириш: Мирзиёев «яшил» иқтисодиёт тақдимоти билан танишди
Дунё
Британия разведкаси Россия Украинадаги урушда қуруқликдан ҳужум қилолмаётгани сабабини тушунтирди