Барча керакли витамин ва минералларнинг камида учдан икки қисмини озиқ-овқатдан, яна учдан бир қисмини қўшимчалардан олиниши керак. Аммо дори-дармонлар каби синтезланган витаминларни қабул қилишда ҳам маълум қоидаларига риоя қилиш муҳимдир, акс ҳолда улар фойдасиз ёки ҳатто соғлиқ учун хавфли бўлиши мумкин.
Балансли овқатланиш ўрнига витаминлар қабул қилиш
Витаминлар мувозанатли рационни вақтинча ўзгартириши мумкин, аммо улар тўғри овқатланишнинг ўрнини тўлиқ боса олмайди. Агар бирор сабабга кўра турли хил ва тўйимли маҳсулотларни истеъмол қилишнинг имкони бўлмаса, витамин ва қўшимчалар қабул қилиш мумкин. Шунингдек, мавсумий витамин танқислигини қоплаш учун ҳам уларни қўллаш мумкин, лекин буни доимий равишда амалга ошириб бўлмайди. Айниқса, ҳар қандай витаминларни фақатгина шифокор кўрсатмасига кўра қабул қилиниши лозим.
Витаминларни сақлашда қоидаларни бузиш
Витаминлар ҳам бошқа дорилар каби бир хил эътиборни талаб қилади. Ҳатто сақлаш ёки қабул қилиш қоидаларининг озгина бузилишидан ҳам улар танага таъсирини сезиларли даражада ўзгартириши мумкин. Шунинг учун, сақлаш бўйича кўрсатмаларни диққат билан ўрганиб чиқиб, унга амал қилиш тавсия этилади.
Витаминларни оч қоринга қабул қилиш
Витамин ва минералларнинг бутун рўйхатидан фақат бир нечтаси оч қоринга қабул қилиш учун мос келади. Қолганларнинг ҳаммаси, агар оч қоринга қабул қилинган бўлса, кўнгил айниши, қорин оғриғи ва бошқа ноқулайликларга олиб келиши мумкин. Шунинг учун ҳам ҳар қандай ҳолатда витаминларни овқатдан кейин қабул қилиш яхшироқ.
Дори воситалари ва витаминлар
Агар бир нечта дори-дармонлар қабул қилинса, айниқса витаминларга эҳтиёт бўлиш керак. Уларнинг кўпчилиги дориларнинг таъсирини кучайтириши, заифлаштириши ёки бутунлай бекор қилиши мумкин. Охир-оқибат кутилганидан мутлақо тескари натижани олиш мумкин. Ачинарлиси, баъзи комбинациялар умуман ҳалокатли бўлиши мумкин. Шунинг учун дори воситалари ва витаминларнинг ўзаро таъсирини диққат билан ўрганиш ёки даволаниш жараёнида уни қабул қилишдан бутунлай воз кечиш лозим.
Таҳлилдан олдин витаминларни қабул қилиш
Агар таҳлил ёки бошқа тиббий текширувлардан ўтишга тўғри келса, камида 24 соат ичида ҳеч қандай қўшимчаларни қабул қилмаслик яхшироқдир. Шунингдек, шифокорга қайси қўшимчалар қабул қилинаётгани маълум қилиниши керак, чунки уларнинг таъсири кутилмаган натижаларига олиб келиши ва тўғри ташхис қўйишни қийинлаштириши мумкин.
Изоҳ (0)