Ортиқча вазндан халос бўлишда қаҳвани қай тарзда ичишга оид 5 қоида 

Nature Communications журналида эълон қилинган тадқиқот натижалари кунига 2-4 стакан табиий қаҳва танадаги ёғларни фаолроқ эритишга ва олинган калорияларни энергияга айлантиришга ёрдам беришини тасдиқлади. Аммо бунинг учун бир нечта қоидаларга риоя қилиш муҳимдир.

Нонуштадан кейин қаҳва ичинг

Ҳеч қачон оч қоринга қаҳва ичиш мумкин эмас: кофеин ошқозон шиллиқ қаватини безовта қилиши мумкин. Аммо эрталабки нонуштани иссиқ ичимлик билан тугатиш, кофеин метаболизмни яхшилашига олиб келади ва метаболизм кун давомида 8-11 фоизга тезлашади.

Машқ қилишдан 40 дақиқа олдин бир стакан қаҳва ичинг

Жисмоний машқлар ва машғулотлар самаралироқ бўлиши учун 40 дақиқа олдин бир стакан қаҳва ичиш тавсия этилади. Чунки кофеин кучли энергия беради, бу инсонга фаолроқ машқ қилишига ва натижада кўпроқ калория йўқотишган ёрдам беради.

Қаҳва ухлашдан камида 4 соат олдин ичилмаслиги керак

Соғлом уйқу нафақат саломатлик, балки гўзал қомат учун ҳам зарурдир. Агар уйқу етарлича бўлмаса, эртаси куни нотўғри овқатланиш одатларига кўпроқ мойил бўлиш мумкин. Бундан ташқари, уйқусиз тундан кейин фаоллашадиган кортизол ҳам вазн ортишига ҳисса қўшади.

Фақат қора қаҳва ичинг

Сут, қаймоқ, шакар, айниқса, сироплар ичимликни янада мазали қилиши мумкин, аммо улар соғлиққа ёки қоматга фойда келтирмайди. Агар қора қаҳвани ичиш қийин бўлса, асал ва ёғсиз сут билан қабул қилиш мумкин, лекин бошқа шакарли қўшимчалар қатъиян тақиқланади. Айниқса, сут ва сироп билан тайёрланган доимий қаҳва ичимлиги ширинлик каби кўп калорияни ўз ичига олади.

Миқдорни ошириб юборманг

Қаҳванинг максимал хавфсиз суткалик дозаси 400 милилитрни ташкил қилади. Меъёрдан ортиқ қаҳва ичиш юрак-қон томир ва асаб тизими учун хавфлидир. Шунингдек, стресс, албатта, ортиқча вазндан халос бўлишга ёрдам бермайди.