Футбол бўйича Испания чемпионатининг 12-туридан ўрин олган ўйинда «Реал» 30 октябрь, шанба куни «Элче» билан баҳс юритди.
Учрашувда ҳисоб 22-дақиқада Винисиус Жуниор томонидан очилди. 73-дақиқага келиб, Винисиус Лука Модричнинг ажойиб узатмасини голга айлантирган ҳолда дублни расмийлаштирди. Ўйин якунланиши арафасида эса «Элче» ҳисобни қисқартиришга муваффақ бўлди, мезбонларнинг голига Пере Миля муаллифлик қилди.
Ушбу ғалабадан сўнг «Реал» очколари сонини 24 тага етказди ва мусобақа жадвалида биринчи ўринга кўтарилиб олди. «Элче» эса 10 очко билан 15-ўринда қолди.
Топ-5 лигалар онлайн жадваллари, ўйинлар тақвими, тўпурарлар рўйхати — кўриш.
Ла Лига
12-тур баҳси
30 октябрь, шанба
«Элче» – «Реал Мадрид» 0:2
Голлар: 0:1 – 22 Винисиус Жуниор, 0:2 – 73 Винисиус Жуниор, 1:2 – 86 Миля.«Элче»: Касиля, Паласиос, Бигас, Роко, Мохика, Фидел (Миля, 81), Пасторе (Гумбау, 71), Маскарел (Марконе, 81), Гути, Лукас Перес (Бенедетто, 71), Бое (Моренте, 81).
«Реал Мадрид»: Куртуа, Алаба, Милитао, Марсело (Менди, 66), Модрич (Камавинга, 84), Кроос, Каземиро, Васкес (Карвахаль, 65), Мариано Диас, Винисиус Жуниор (Азар, 85), Родриго (Асенсио, 18).
Огоҳлантириш: Гути (8)
Четлатиш: Гути (63).
Изоҳ (0)