Россиянинг Москва шаҳрида 23 октябрь тунида Bellator 269 мусобақаси бўлиб ўтди.
Кечанинг асосий жангида оғир вазн тоифасида Фёдор Емеляненко америкалик Тимоти Жонсонни нокаут эвазига мағлубиятга учратди. Жонсон биринчи раунддаёқ бошидан учта кучли зарба ўтказиб юборди. Емеляненко ушбу ҳолатда ўзига хос комбинациясини қўллаб, рақибини қулатишга муваффақ бўлди.
Усман Нурмагомедов эса мазкур кечада оғритиш услуби билан Патрик Пиетиладан устун келди.
Bellator 269 мусобақасининг асосий карди натижалари билан танишинг:
- Фёдор Емеляненко 1-раунддаёқ Тимоти Жонсонни нокаутга учратди;
- Саид Совма 3-раундда Виталий Минаковни техник нокаут эвазига таслим қилди;
- Усмон Нурмагомедов 1-раунда Патрик Пиетилани сабмишен орқали енгди;
- Анатолий Токов очколар эвазига Шараф Давлатмуродовдан устун келди.
Тимоти Жонсон эса сўнгги жангини 2021 йилнинг июнида ўтказган. Оғир вазн тоифасининг вақтинчалик чемпионлиги учун кечган жангда Жонсон Валентин Молдавскийга ютқазиб қўйганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)